SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial jámááti hám student jaslar “Azart aqıbeti” kinofilmin tamasha etti

Búgin filial jámááti hám student jasları paytaxtımızdaǵı Qaraqalpaqstan kórkem óner sarayında názerge usınılıp atırǵan “Azart aqıbeti” kinofilmin tamasha etti. Filmniń syujetinde búgingi kúnde kóplegen jaslarımız torına ilinip atırǵan virtual oyınlar, miynet etpey ańsat jol menen aqsha tabıw, doslar qıyaneti, jaslardıń jeńil ómirge talpınısı sıyaqlı máseleler boyında insanıylıq paziyletleri bolmaǵan personajlar mısalında ashıp beriledi. Scenariy avtorınıń aktual temaǵa júzlengeni hám aktyorlardıń sheber atqarıwshılıǵı tamashagóyler itibarın tartadı.

Internettegi qumar oyınlardıń aqıbeti tákirar aytılsada, jaslarımız qurbanına aylanıwdı dawam etip atırǵanı ayanıshlı jaǵday. - Ustazlarımız bizlerge barqulla bunday illetlerden jıraq bolıwdı úgitleydi. Búgin filmdi tamasha etiw arqalı bolsa, virtual oyınlardıń qayǵılı aqıbetin jáne bir márte tereń ańladıq. 3 qaharman obrozınıń ayanıshlı juwmaqları kózime jas keltirdi. Menińshe, filial studentleri ózleri ushın tiyisli juwmaqlardı aldı-deydi 2-kurs studenti Shaxnoza Baltabaeva. Student jaslar filmdi tamashalaw arqalı waqıtın mazmunlı ótkeriwi menen birge kerekli juwmaq shıǵardı. Aybek Tólegenov rejissyorlıǵındaǵı film bárshede ayrıqsha tásir qaldırdı.