SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentlerdiń muzeyge sayaxatı

Student-jaslardıń bos waqıtların mazmunlı shólkemlestiriw, olardıń qálbinde milliy-mádeniy miyraslarımızǵa bolǵan húrmetti jáne de kúsheytiw hámde dıqqatqa ılayıq jerlerdi tamasha qılıwın támiyinlew maqsetinde tyutor J.Mambetniyazov basshılıǵında 2-kurs 206-topar studentleri paytaxtımızdaǵı Qaraqalpaqstan Respublikası tariyxı hám mádeniyatı mámleketlik muzeyine sayaxat qıldı. Sayaxat dawamında búgingi kúnde muzeyde saqlanıp atırǵan 80 mıńnan aslam eksponatlardı tamasha qıldı.

Muzey xızmetkerleri tárepinen házirgi kúnde bul jerde xızmet kórsetip atırǵan bólimler hámde eksponatlar boyınsha tolıq maǵlıwmatlar berip ótti. Student-jaslarda ásirese ekspoziciya zalı ayrıqsha tásir qaldı. Zaldıń fondında toplanǵan eksponatlar qaraqalpaq xalqınıń milliyligin ózinde sáwlelendiredi.— Bárshemizge belgili, búgingi kúnde muzeylerdi rawajlandırıw hám usı arqalı turizm tarawın bunnan bılayda jetilistiriwge ayrıqsha itibar qaratılmaqta. Milliy muzeylerimizge sırt ellerden kóplegen miymanlar kelip, mádeniyatımız benen jaqınnan tanısadı. Usı orında, bizler de student-jaslardıń muzeylerge sayaxatın kóbirek shólkemlestiriw zárúr dep oylayman—deydi J.Mambetniyazov. Tyutordıń baslaması menen shólkemlestirilgen student-jaslardıń muzeyge sayaxatı zawıqlı bolıp ótti.