SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial jámáátine bayram sawǵaları tapsırıldı

Ájayıbatlar bayramı bolǵan jańa jıl qarsańında hámme jaqın-juwıqlarına bayram sawǵaların bólisip, jıllı tileklerin bildiredi. Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında hár jılı jańa jıl bayramı qarsańında professor-oqıtıwshılar hám xızmetkerlerge bayram sawǵaların inám etiw dástúrge aynlanǵan. Usı dástúrge sadıq qalǵan halda búgin pútkil filial jámááti bir jerge toplandı. Bayram ilájı basında filial direktorı Adilbay Esimbetov shıǵıp sóylep, jıynalǵanlardı kirip kiyatırǵan jańa jıl menen qutlıqlap, eń iygilikli tileklerin bildirip ótti.

—Usı jılı bizler ushın bereketli hám tabıslarǵa bay jıl boldı. Aldımızǵa qoyǵan úlken rejeler hám juwapkershilikli wazıypalardı birgelikte ámelge asırdıq. Bizlerdiń búgingi barlıq is-háreketlerimizdiń tiykarında jaslarǵa sapalı bilim beriw hám filialımızdıń reytingin kóteriw, usı arqalı bolsa, jámiyetimizdi zamanagóy bilimge iye kadrlar menen támiyinlew sıyaqlı ullı maqset belgilep alınǵan. Qálbimizge eń iygilikli tileklerdi jámlep, awızbirshilik penen umtılsaq, gózlegen barlıq maqsetlerimizge erisemiz. Joqarǵı shıńlarǵa birgelikte adımlap baramız—dedi Adilbay Esimbetov.

Sonıń menen birge direktor orınbasarları hám basqalar sózge shıǵıp, filial jámáátin bayram menen qutlıqladı. Iláj dawamında hámmege bayram sawǵaları tapsırıldı. Sonday-aq, jıl dawamında múnásip miynet islep, filialdıń rawajlanıwında ózleriniń úlesin qosqan bir topar pidáyi xızmetkerler direktor tárepinen húrmet jarlıǵı menen sıylıqlandı. Usı tárizde pútkil filial jámáátine haqıyqıy bayram keypiyatı bólisildi.