SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Dawıslı chat arqalı studentlerge ótkeriletuǵın online tańlawlardıń mazmunı túsindirildi

Xabarıńız bar házirgi waqıtta Joqarı oqıw orınlarınıń student-jasları qısqı dem alısqa shıǵıp, ózleriniń úylerinde ata-anaları menen birge waqıt ótkermekte. Jańa jıl bayramı qarsańında filialda bilim alıp atırǵan student-jaslarǵa ájayip keypiyat baǵıshlaw hám qısqı dem alıs kúnlerin mazmunlı ótkeriwine jaqınnan kómeklesiw maqsetinde túrli baǵdardaǵı online tańlawlardı járiyalawdı maqul dep bildik. Búgin, yaǵnıy 28-dekabr kúni usı ótkeriletuǵın online tańlawlar boyınsha tolıq túsiniklerdi jetkeriw maqsetinde onlayn tárizde dawıslı chat shólkemlestirildi. Ilájda Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov, «Veterinariya hám zooinjeneriya» fakulteti dekanı A.Kaniyazov, dekan orınbasarı E.Seytmuratov, Málimleme xızmeti basshısı Z.Xojamuratova, kafedra oqıtıwshıları hám topar tyutorları qatnastı. Dawıslı chattıń kiris bóliminde A.Seytkamalov hám A.Kaniyazovlar shıǵıp sóylep, bársheni kirip kiyatrıǵan jańa 2024-jıl menen qızǵın qutlıqlap, ózleriniń iygilikli tileklerin bildirip ótti hám online tańlawlarda studentlerdi belsene qatnasıwǵa shaqırıp qaldı.

Bunnan soń Málimleme xızmeti basshısı Z.Xojamuratova tárepinen dawıslı chat qatnasıwshılarına grafik tiykarında ótkeriliwi belgilengen online tańlawlardıń talapları hám shártleri boyınsha jan-jaqlama túsinikler berip ótildi. Atap aytqanda, ingliz tilinde jańa jıl bayramı ushın kreativ qutlıqlaw videoları tańlawı, 5 áhmiyetli baslama sheńberinde student-qızlar arasında «Eń jaqsı aspaz qız» hám «Eń sheber qız» atamalarında online videorolikler tańlawı, qánigelik pánler boyınsha online pán olimpiadaları, online tárizde “Zakovat” intellektuallıq oyını hám 14-yanvar «Watan qorǵawshılar kúni» múnásibeti menen online videorolikler tańlawların ótkeriw rejelestirildi. Bul online tańlawlarǵa erteń, yaǵnıy 29-dekabr kúni start beriledi hám 2024-jıldıń 6-yanvar sánesine shekem dawam etedi. Tańlaw jeńimpazları bahalı sawǵalar hám diplom menen sıylıqlanıwı ayrıqsha atap ótildi. Online tárizde ótkerilgen dawıslı chatqa derlik 300 ge shamalas student-jaslar qatnastı. Online sáwbetlesiw dawamında jaslarǵa qısqı dem alıs waqtındaǵı ótkeriletuǵın online tańlawlar boyınsha tolıq túsinikler berildi hám usı tańlawlarǵa belsene qatnasıwı soraldı. Sonday-aq, studentler de ózleriniń pikir hám usınısların bildirdi.