SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Qaraqalpaqstan Respublikası Mámleketlik gimniniń qabıl etilgenine 30 jıl toldı

Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń májilisler zalında 24-dekabr' Qaraqalpaqstan Respublikası Mámleketlik Gimni qabıl etilgen kún múnásibeti menen iláj bolıp ótti. Ilaj basında Ózbekstan hám Qaraqalpaqstan Respublikalarınıń mámleketlik gimnleri jańladı. Filial basshıları, professor-oqıtıwshılar, xızmetkerler qatnasıwındaǵı usı ilájda direktor Adilbay Esimbetov shıǵıp sóylep, jıynalǵanlardı Mámleketlik Gimnimiz qabıl etilgen kún menen qızǵın qutlıqlap ótti. Ol óz sózinde Mámleketlik Gimnimiz kekselerdiń de, jas áwladtıń da qálbinde abat hám tınısh watanımız benen maqtanısh sezimin túyiw sıyaqlı baxıttı inám etetuǵınlıǵın atap ótti.
Sonday-aq, iláj dawamında Gimnniń sózi Ózbekstan hám Qaraqalpaqstan xalıq shayırı, Ózbekstan Qaharmanı I.Yusupov tiyisli ekenligi, naması bolsa Nájimatdin Muhammeddinov tárepinen jaratılǵanlıǵı aytıp ótildi.
Mámleketlik Gimnimiz jaslarda Oatanǵa muhabbat, bay tariyxımızǵa hám ózligimizge tereń húrmet sezimin qáliplestiriwde, ósip kiyatırǵan jas áwlatdıń hár tárepleme bárkamal hám jetik insan bolıp tárbiyalanıwında girewli orın tutıwı sózsiz. Bayram sánesine arnalǵan iláj sheńberinde joqarıdaǵılar boyınsha pikirler bildirildi.