SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jawızlıqqa qarsı aǵartıwshılıq úgit-násiyat ilájı bolıp ótti

Usı jıldıń 1-dekabr kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń májilisler zalında «Jawızlıqqa qarsı aǵartıwshılıq» úgit-násiyat ilájı bolıp ótti. Onda Ózbekstan Respublikası Ministrler Kabineti janındaǵı Imam Buxariy xalıqaralıq ilimiy-izertlew orayınıń úlken ilimiy xızmetkeri J.Jumayev, usı oraydıń xızmetkeri C.Abduvoitov, professor-oqıtıwshılar hám student-jaslar qatnastı. Ilájdı oqıw isleri boyınsha direktor orınbasarı Q.Atanazarov ashıp berdi. Iláj dawamında sózge shıqqanlar, búgin jaslardı milliy hám diniy qádiriyatlardı qádirlewge úgit-násiyatlaw, olar arasında ruwxıy-aǵartıwshılıqtı keń en jaydırıw hám onıń nátiyjeliligin arttırıw, diniy jawızlıq hám hár túrli jaman illetlerge qarsı gúresiw úlken áhmiyetke iye ekenligin atap ótti.

Mámleketimizde keyingi jıllarda bul baǵdarda alıp barılıp atırǵan keń kólemli jumıslar hám «Jawızlıqqa qarsı aǵartıwshılıq» ideyası astında ótkerilip atırǵan úgit-násiyat ilajlarınıń áhmiyeti tuwralı toqtaldı. Ósip kiyatırǵan jas áwlatdı joqarı sanalı, bilimli qılıp tárbiyalaw, olardıń dúnyaqarasın jáne de keńeytiw, intellektuallıq qábiletlerin rawajlanıdırıw, eń tiykarǵısı idealogiyalıq immunitetin bekkemlew hár qashanǵıdan da zárúr ekenligi ayrıqsha atap ótildi.

Qatnasıwshılar ózlerin qızıqtırǵan sorawlarǵa juwaplardı aldı. Student-jaslarda keń túsinikler payda boldı. Sonday-aq, jaslarǵa búgingi kúnde ǵalabalasıp atırǵan sociyallıq tarmaqlardan durıs hám orınlı paydalanıw boyınsha másláhatler berip ótildi berildi.