SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Seminar qatnasıwshılarında zárúr bilim hám kónlikpeler qáliplestirilmekte

Keshe xabar bergenimizdey, Respublikamız rayonlarındaǵı fermer xojalıqlarınıń xızmetkerlerine filial professor-oqıtıwshıları tárepinen oqıw-seminarı ótkerilmekte. Búgin seminardıń ekinshi kúninde tıńlawshılar qatnasıwında «Awıl xojalıǵı haywanların tuqımlandırıw hám onı muzlatıw texnologiyası» teması boyınsha shınıǵıw alıp barıldı. Zooinjereniya kafedrasınıń úlken oqıtıwshısı S.Abuov usı tema boyınsha tolıq túsiniklerdi berip ótti.

—Iygilikli baslama tiykarında shólkemlestirilip atırǵan usı oqıw seminarında kafedramızdıń tájiriybeli oqıtıwshıları tastıyıklanǵan grafik boyınsha tiyisli temalarda qatnasıwshılar menen oqıw shınıǵıwların alıp baradı. Bul bolsa óz gezeginde oqıtıwshılarımızǵa jaqsı tajiriybe boladı dep oylaymız — deydi Zooinjereniya kafedrasınıń baslıǵıX.Mamatov.

Seminar dawamında awıl xojalıǵı hayўanların jasalma jol menen tuqımlandırıw usılları, muzlatıw texnologiyaları hámde embrionlardı kóshirip ótkiziw boyınsha kerekli maǵlıwmatlar berildi. Seminar qatnasıwshılarında zárúr bilim hám kónlikpeler qáliplestirilmekte. Esletip ótemiz, seminar hápte dawamında filial oqıtıwshıları tárepinen alıp barıladı.