SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Milliy qádiriyatlarımız — ótmishimizdi, búginimizdi hám keleshegimizdi kórsetip beriwshi ayna

Milliy qádiriyatlarımız ótmishimizdi, búginimizdi hám keleshegimizdi ayna sıyaqlı ayqın kórsetip turadı hám milliy ózligimizdi belgilep beriwde girewli orın tutadı. Ásirler dawamında qáliplesip kiyatırǵan qádiriyatlarımızdı biz hámiyshe húrmetke bóleymiz. Búgin Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında milliy qádiriyatlar kúni belgilendi. Iláj basında milliy qol óneri buyımları hám milliy kiyimler kórgizbesi shólkemlestirildi.

Bunnan soń student-jaslarǵa milliy qádiriyatlarımız haqqında túsinik berilip, sáwbetlesiw alıp barıldı. "Veterinariya hám zooinjeneriya" fakulteti dekanı A.Kaniyazov ilájdı kiris sózi menen ashıp berdi. Sáwbet dawamında Ájiniyaz atındaǵı Nókis mámleketlik pedagogikalıq institutı tariyx ilimleriniń kandidatı, docent B.Turǵanov hám dekan orınbasarı E.Seytmuratov tárepinen studentlerge milliy qádiriyatlarımız biybaha baylıǵımız ekenligi, jámiyetimiz rawajlanıwında tiykarǵı dereklerden biri bolıp esaplanıwı, olardı áwladtan-áwladqa jetkeriw perzentlik parızımız ekeni tuwralı sóz etildi.

Qaraqalpaq xalqınıń ózine tán bolǵan milliy qádiriyatlarına degen húrmetti, milliy úrp-ádetlerimiz hám dástúrlerimizdi ózinde sáwlelendirgen iláj dawamında student-jaslar shın mánisinde milliyligimizdi qálbi menen sezine aldı desek asıra aytqan bolmaymız. Milliy libaslarǵa dolanǵan qızlarımızdıń kórkine jáne de kórik qosılıp, keshege payız baǵıshladı.