SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Bes baslama olimpiadası» sheńberinde er balalar arasında sporttıń mini futbol túrinen jarıs bolıp ótti

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Bes baslama olimpiadası» sheńberinde er balalar arasında sporttıń mini futbol túrinen jarıs bolıp ótti. Jarıs hár bir topardan dúzilgen komandalar arasında shólkemlestirildi. Ekonomika hám gumanitar pánler» kafedrasınıń dene tárbiyası oqıtıwshısı Q.Urazbaev tóreshilik qılıp barǵan oyın zawıqlı tárizde bolıp ótti.

Student-jaslardıń sportqa bolǵan qızıǵıwshılıǵın jáne de arttırıw, olardıń bul baǵdardaǵı qábiletlerin qollap-quwatlaw, sport penen shuǵıllanıwı ushın qolay sharayatlardı jaratıp beriw hám usı arqalı olardıń bos waqıtların mazmunlı ótkeriwine kómeklesiw maqetinde shólkemlestirilgen bul jarıslar studentlerge motivaciya baǵıshladı. «Bes baslama olimpiadası» sheńberinde ótkerilgen mini futbol jarısınıń juwmaqlawshı nátiyjelerine kóre, 3-orın 4-kurs 414-topar studentlerinren dúzilgen komandaǵa nesip etken bolsa, 2-orındı 3-kurs 312-topar studentleri iyeledi. 4-kurs 403-topar studentleri óz sheberligin kórsetip, oyınnıń tolıq jeńimpazına aylandı.