SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jataqxana studentleri arasında «Zakovat» intellektuallıq jarısı ótkerildi

Studentler turaq jayında jasap atırǵan studentlerdiń bos waqıtların maqsetli shólkemlestiriw ushın ruwxıylıq hám aǵartıwshılıq bólimi tárepinen «Zakovat» intellektuallıq jarısı ótkerildi. Iláj basında oqıw isleri boyınsha direktor orınbasarı Q.Atanazarov sózge shıǵıp, studentlerden dúzilgen komandalarǵa áwmet tiledi.

Oyındı Q.Sarsenbaev alıp bardı. Komandalar qızıqlı logikalıq sorawlarǵa óz tapqırlıǵı hám ziyrekligi menen juwap qaytarıp, jarıs jeńimpazı bolıwǵa tırıstı.

Oyınnıń juwmaqlawshı nátiyjelerine kóre, 3-orındı 2-xanada jasaytuǵın student-jaslardan dúzilgen komanda iyeledi. 2-orın 5-xananıń studentlerine nesip etti. 6-xana studentleri bolsa óz tapqırlıǵı hám ziyrekligi menen 1-orındı alıwǵa eristi. Hár bir jeńimpaz komanda shólkemlestiriwshiler tárepinen diplom hám estelik sawǵaları menen sıylıqlandı. Zawıqlı tásirlerge bay tárizde bolıp ótken oyın jataqxana jaslarınıń sabaqtan tısqarı bos waqıtlarınıń mazumnlı hám qızıqlı bolıp ótiwin támiyinledi. Sonıń menen birge bunday jarıslar olardıń logikalıq oylaw qábiletiniń rawajlanıwına imkan jaratıp beredi.