FILIALDA «PITKERIWShILER FORUMÍ» ÓTKERILDI

      2023 jıl 15-sentyabr kúni Samarqand mámlekenlik veterinariya medicinası, sharwashılıq hám biotexnologiyalar universiteti Nókis filialında “Pitkeriwshiler forumı” ilajı ótkerildi. Ilajdı Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı direktorı Esimbetov Adilbay Tlepovich ashıp berdi

      Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń áhmiyetli maqsetlerinen biri Respublikamızǵa joqarı maǵlumatlı veterinariya medicinası, veterinariya sanitariya ekspertizası,veterinariya diagnostikası hám laboratoriya isleri, veterinariya farmacevtikası, zooinjeneriya, biotexnologiya, násilshilik, sharwashılıq tarawlarında bilim beriwden hámde usı tarawlarda jetik qániygeler tayarlawdan ibarat. 

   Sonǵı eki jılda filialdı pitkerip shıqqan jámi 111 pitkeriwshilerden házirde 50 den artıq qánigelerimiz respublikamız veterinariya hám sharwashılıq tarawlarında, sonday-aq basqada ekonomikalıq tarmaqlarda miynet islep kelmekte. 

   2021/2022 oqıw  jılında 3 bakalavriat  tálim baǵdarında jámi 36 student 2022-2023 oqıw jılında 75 student pitkerip shıqtı. Filial pitkeriwshileriniń 2 ekinshi qánigelikte hámde 8 pitkeriwshimiz magistratura qániygeliklerinde oqıwların dawam etpekte.

  Ilajda Kambaǵalshılıqtı qısqartıw hám bántlik ministrligi bas qaniygesi Ra`no Sadullaeva, Nókis qalalıq kambaǵalshılıqtı qısqartıw hám bántlikke kómeklesiw bólimi qániygesi  Dilfuza  Madiyarova, Qaraqalpaqstan Respublikasi Veterinariya hám sharwashılıqtı rawajlandırıw komiteti baslıǵı Qoshqarbay Pirnazarov, Nókis qalalıq veterinariya hám rayon bólimi baslıǵı Qiyas Pirnazarov, Nókis «AGRO FISH» JShJ bas injeneriya Ańsat Iliyasov, filial pitkeriwshileri hám de 1 kurs talabaları qatnastı. 

    Qatnasıwshılar ministrliklerdegi, Qarqalpaqstan Respublikası veterinariya hám sharwashılıqtı rawajlandırı komiteti qala hám rayon bólimlerindegi bos jumıs orınları hám olarǵa jaylasıw haqkında óz pikir hám usınısları haqqında keń túsindirip berdi.