Ǵárezsizligimizdiń 32 jıllıq bayramı múbárek bolsın!

   Birinshi náwbette bársheńizdi Ózbekstan Respublikası Ǵárezsizliginiń 32 jıllıq bayramı menen, sonday-aq, 2023/2024oqıw jılında oqıwǵa qabıllanıp atırǵan hám student bolıw baxıtına miyassar bolǵan barlıq studentlerimizdi shın júrekten qutlıqlayman. Búgingi kúnde mámleketimizde bilimlendiriw tarawın rawajlandırıw, jańa reformalardı ámelge asırıw mámleket siyasatınıń baslı baǵdarlarınan birine aylandı. Mámleketimizde bilimlendiriw sistemasınıń jaqsılaw onı zaman talapları tiykarında modernizaciyalaw, jaslardı joqarı bilimli, fizikalıq hám ruwxıy bay insan etip tárbiyalaw, bilimlendiriw mákemeleriniń basshı hám pedagog xızmetkerleriniń abıroyın asırıw, olardıń nátiyjeli miynet etiwi ushın zárúr shárt shárayatlar jaratıw boyınsha bir qatar jumıslar alıp barılmaqta.

   Húrmetli Prezidentimizdiń mámleketimizde bilimlendiriw tarawına bolǵan ayrıqsha itibarı, atap aytqanda, Qaraqalpaqstanlı jaslardıń joqarı bilim alıwları ushın kórsetken ǵamxorlıǵı, xalıqshıl siyasatı nátiyjesinde, qosımsha kvotalardıń ajıratılıwı da olar ushın joqarı maǵlıwmatlı, maman qánige bolıp jetilisiwine keń múmkinshilikler jaratılǵanlıǵınan dárek beredi.

ÁZIZ STUDENT-JASLAR!

  Mámleketimiz tárepinen jaslarǵa berilip atırılǵan usınday keń múmkinshiliklerden aqılǵa muwapıq paydalanıp, «Jańa turmıs ushın, jańa Ózbekstan ushın» súreni astında aldaǵı waqıtları Watanımızdıń rawajlanıwı, mámleketimiz ǵárezsizligin bekkemlew, elimiz tınıshlıǵı, xalqımız párawanlıǵı jolında ayanbay xızmet etiwińizge tileklespen. 

Usı orında Húrmetli Prezidentimizdiń “Jaslar – keleshek iyeleri, mámlekettiń úlken baylıǵı, biybaha ǵáziynesi, jańa renessans dáwiriniń qurıwshıları...” dep aytqanınday Sizler bizlerdiń keleshegimizsiz. 

Sizlerdi jáne bir márte Ǵárezsizligimizdiń 32 jıllıq bayramı hám de bilimler kúni menen shın júrekten qutlıqlayman. Jumıslarıńızda hám oqıwlarıńızda tasqın tabıslar, shańaraǵıńızda amanlıq tileymen.

Esimbetov Adilbay Tlepovich

Samarqand mámleketlik veterinariya medisinası,

sharwashılıq hám biotexnologiyalar universiteti