BAYRAM MÚBÁREK, AZIZ JASLAR!
BAYRAM MÚBÁREK, AZIZ JASLAR!
Ómirdiń eń mazmunlı hám zawıqlı demleri jaslıq penen birge keshedi. Kúsh hám ǵayrat qanımızda qaynap-tasıp, keleshekke qaray batıl qádemler menen ilgerilep baratuǵın pursatlarda tikkeley jaslıq penen baylanıslı. Jaslar keleshek iyeleri sanaladı. Sol sebepli, mámleketimizde jaslarǵa tiyisli siyasatqa úlken itibar qaratılǵan. Bárshemizge belgili, 2017-jıl Prezidentimiz baslaması menen Ózbekstan Jaslar awqamı shólkemlestirilgen kún – 30-iyun elimizde Jaslar kúni dep belgilendi. Sonıń ózi Prezidentimizdiń jaslarǵa bolǵan itibar hám ǵamxorlıǵınan belgi beredi. Hár bir tarawda belsendi jaslardıń rolin asırıw áhmiyetli bolıp kelmekte.
Olarǵa inám etilip atırǵan imkaniyatlar búgin óz nátiyjesin berip atrıǵanlıǵınıń gúwası bolıp atırmız. Álbette, nátiyje kútilgendey bolıwı da tiyis. Mámleketimizde kóplegen jaslar úlken tabıslarǵa erisip, Prezident tárepinen bildirilgen joqarı isenimdi aqlaw ushın shın kewilden háreket qılıp atır. Olardıń erisken jetiskenliklerin kórip hám quwanaman hám háwesim keledi. Búgin jaslar ushın barlıq esikler ashıq, keń imkaniyatlar jaratılǵan. Olar tek ǵana aydın joldan barıp, ózleri ushın durıs baǵdardı tańlap bilse bolǵanı. Búginniń jaslarında keleshek ushın anıq rejeler bar. Sonıń menen birge olardı ámelge asırıw ushın batırlıq ta bar. Mámleketimiz barqulla olardı qollap-quwatlaydı. Biziń filial studentleri arasında da úlken maqsetlerdi gózlegen, ózine isenimi joqarı jaslar kópshilikti quraydı.
Men bunnan júdá quwanıshlıman. Olardıń talpınısın, ǵayratın kórip ózime jáne de kúsh alaman. Bunday belsendi jaslar ushın hár tárepleme imkaniyat jaratıp beriwge tırısaman. Eń aldı menen jaslarımız tereń bilimge iye bolıp, dúnya qarasın jaqsı qáliplestirip alsa, bul ózleri ushın jarqın keleshek girewi esaplanadı. Sonıń menen birge házirgi kúnde filialımızda óz iskerligin júritip atırǵan jas kadrlar derlik 40% ti quraydı. Álbette, aldaǵı waqıtta olardıń sanı elede artıp barıwına isenimim kámil. Usı orında, bul jas qánigelerden de kewilim toq. Olar arasında júdá bilimli, zamanagóy hám óz wazıypasın shın kewilden atqarıp atırǵanlarda bar. Mine men kimlerge isenim bildiremen! Sońǵı jıllarda elimizde veterinariya hám sharwashılıq tarawına úlken itibar qaratılıp atır. Bul bolsa óz gezeginde filial student jasları ushın úlken imkaniyat esiklerin ashıp beredi. Tarawda jaqsı qánigelerdi tayarlaw filialdıń eń tiykarǵı maqseti.
Bizde tálim alıp atırǵan jaslar ushın úlken tabıslardıń gilti bar dep esaplayman. Olardan tek ǵana teoriyalıq hám ámeliy bilimlerdi ózlestiriw talap etiledi. Keleshek ushın úlken rejelerdi dúziw bolsa jaslardıń ózlerine baylanıslı. Jeke ózimniń filialdıń student jaslarına isenimim joqarı. Olardan úmitim úlken. Kún kelip bildirgen isenimimdi álbette aqlaydı dep oylayman. Búgingi Jaslar kúni bayramı menen Ózbekstannıń barlıq jasların, filial studentlerin hám álbette jas kadrlarımızdı shın kewilden qutlıqlayman! Ózbekstan jasların eń ǵayratlı hám eń belsendi jaslar dep bilemen. Sizlerge tilegim, keleshekke bolǵan isenimińizdi hám girbińsiz úmitlerińizdi joǵaltıp almań! Bilegińizdegi kúsh, basıńızdaǵı aqıldı durıs baǵdarlap biliń.
Salamatlıqta júzińizden kúlki jaynap tursın. Turmıs tolqınları sizdi qay jerge taslap qoymasın, ózińizde barqulla kúsh taba alıwǵa iseniń. Umıtpań, ullı keleshek tek ǵana sizler menen qurıladı. Bayram múbárek, aziz jaslar!
Húrmet penen,
Esimbetov Adilbay Tlepovich
Samarqand mámleketlik veterinariya medicinası,
sharwashılıq hám biotexnologiyalar universiteti
Nókis filialı direktorı
скачать dle 12.1
Telefon
E-mail
