SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial studentleri Samarqand qalasında

Tayanısh oqıw ornımız bolǵan Samarqand mámleketlik veterinariya medicinası, sharwashılıq hám biotexnologiyalar universitetinde “Jańa Ózbekstan jasları, birleseyik!” súreni tiykarında ekinshi Respublikalıq Jaslar forumı ótkerilmekte. Usı forumda qatnasıw ushın filial studentleri Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev hám Jaslar menen islesiw boyınsha dekan orınbasarı E.Seytmuratov basshılıǵında kúni keshe Samarqand qalasına jetip bardı. Sonı ayrıqsha atap ótiw orınlı, filial jámááti sıy-húrmet penen múnásip tárizde kútip alındı. Olar 2-sanlı studentler turaq jayına jaylastırıldı hám usı jerde miymandoslıq belgisi sıpatında dasturxan jayılıp, palaw berildi. Sapardıń birinshi kúninen baslap studentler ózlerine kórsetilgen jıllı múnásibet hám húrmetti sezindi.

Dasturxan átirapında ashıq sáwbetlesiw alıp barıldı. Búginnen baslap start alǵan ekinshi ekinshi Respublikalıq Jaslar forumı joqarı keypiyatta bolıp ótpekte. Atap aytqanda forum sheńberinde túrli ilájlar, jarıs hám intellektual oyınlar, sonıń menen bir qatarda pitkeriwshi studentlerdiń saltanatlı pitkeriw keshesi ótkeriliwi rejelestirilmekte.

Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev Málimleme xızmeti basshısı Z.Xojamuratova menen telefon arqalı sáwbetlesiwinde—Filial studentleri forum sheńberinde shólkemlestirilip atırǵan ilájlarǵa awızbirshilik penen belsene qatnasıp, hámmege pozitiv keypiyat bólispekte — deydi. Álbette, usı forum student-jaslar qálbinde unamlı tásirler menen mórlenip qalıwına isenemiz.