SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Búgin juwmaqlawshı mámleketlik attestasiya imtixanların tapsırıw processi dawam etti

Keshe xabar bergenimizdey, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialındapitkeriwshi kurs studentleriniń juwmaqlawshı mámleketlik attestasiya imtixanların tapsırıw processi baslandı. Búgin usı processtiń ekinshi basqıshı bolıp ótti.

Veterinariya medicinası qánigeliginiń 7 studenti 4 jıl dawamında ustazlarınan alǵan bilimlerin sınaqtan ótkerdi. Yaǵnıy, qánigelik pánleri boyınsha juwmaqlawshı mámleketlik attestasiya imtixanların tapsıdı. Mámleketlik attestasiya komissiya aǵzaları tárepinen unamlı bahalanıp bardı.

Erteńnen baslap veterinariya medicinası qánigeligi studentleriniń pitkeriw qánigelik jumısların jaqlaw processleribaslanadı. Maǵlıwmat ornında, usı jılı bul qánigelik boyınsha jámi 27 student oqıwdı tamamlap, diplomǵa iye boladı.