SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Pitkeriwshilerdiń juwmaqlawshı mámleketlik attestaciyası imtixanların tapsırıw baslandı

Usı jıldıń 12-iyun kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń Veterinariya medicinası qánigeliginiń pitkeriwshi kurs studentleri qánigelik pánleri boyınsha juwmaqlawshı mámleketlik attestaciya imtixanların tapsırdı. 15 pitkeriwshi basqısh studenti ushın búgin ayrıqsha áhmiyetke iye kún boldı. Imtixan processi ádalatlı hám ashıq-aydın tárizde alıp barıldı hám studentlerMámleketlik attestaciya komissiya aǵzaları tárepinen qalıs túrde bahalandı.

— Búginnen baslap komissiya aǵzaları óz jumısın basladı—deydi Veterinariya hám zooinjeneriya fakulteti dekanı A.Kaniyazov—Imtixanlar belgilengen tártip-qaǵıydalar tiykarında ótkeriliwine ayrıqsha itibar qaratıp atırmız. Usı tártipte pitkeriwshilerdiń juwmaqlawshı mámleketlik attestaciyası imtixanların tapsırıw hám pitkeriw qánigelik jumısların jaqlaw jumısları bolıp ótiwi rejelestirilmekte.

Studentler 4 jıl dawamında ózlestirgen bilimleri tiykarında búgingi imtixandı tabıslı tapsırıp aldı. Imtixan processleriniń ádalatlı hám ashıq-aydın ótkeriliwin támiyinlew maqsetinde usı processti tikkeley efir arqalı kóriw hám onlayn tárizde baqlap barıw múmkinshiligi jaratıldı.