Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Direktor studentler menen sáwbetlesti
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında bilim alıp atırǵan student-jaslardıń hár tárepleme pikir hám usınısları úyrenilip, filial basshıları tárepinen olar menen ashıq sáwbetlesiwler turaqlı túrde alıp barıladı. Náwbettegi usınday sáwbetlesiw 1-kurs studentleri menen ótkerildi.
Filial direktorı Adilbay Esimbetov basshılıǵında alıp barılǵan ushırasıw dawamında oqıw processi, studentlerdiń sabaqlardı ózlestiriw barısı, olardıń tálim-tárbiyası menen baylanıslı máseleler, sabaqtan tısqarı waqıtları neler menen bánt bolıp atırǵanlıǵı boyınsha sáwbetlesiw alıp barıldı.
Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev sózge shıǵıp, filial studentleriniń sapalı bilim alıwı hám ruwxıy jaqtan jetik insanlar bolıp jetilisiwi ushın jaratıp berilip atırǵan qolaylı sharayatlar haqqında toqtaldı.
Sonıń menen birge házirgi kúnde jaslar arasında ǵalabalasıp úlgergen sociallıq tarmaqlardan durıs paydalanıw, internet arqalı tarqalıp atırǵan xabarlardı durıs analizlew, kerekli málimlemelerdi rásmiy derekler arqalı alıw, hár túrli jalǵan xabarlarǵa isenip qalmaw, járiyalanǵan postlarda qalıs pikir bildiriwde etikalıq normalarǵa ámel qılıw boyınsha da keń túsinikler berip ótildi. Mazmunlı tárizde alıp barılǵan sóylesiw dawamında student-jaslarda óz pikir hám usınısların bildirip ótti.
Málimleme xızmeti
