SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Studentler báhári” festivalı sheńberinde ótkerilgen tańlawlarda filial studentleri joqarı nátiyjelerdi iyeledi

1-iyun kúninen start alǵan “Jańa Ózbekstan jasları, birleseyik!” súreni tiykarında ótkerilgen “Studentler báhári” festivalı sheńberinde joqarı oqıw orınlarınıń studentleri arasında túrli tańlawlar hám sport jarısları shólkemlestirildi. Kúni keshe festival juwmaǵı menen ótkerilgen gala-koncert sheńberinde saltanatlı túrde sıylıqlaw máresimi bolıp ótti. Onda filialımızdıń studentleri erisken nátiyjelerdi maqtanısh penen atap ótsek arzıydı.
➖JOOları studentleriniń arasında ótkerilgen «Debat» intellektual oyınında sıylı 1-orın;
➖"Zamanagóy ayaq oyın" tańlawında jeke shıǵıwda sıylı 1- hám 2-orınlar;
➖"Jas baqsılar" tańlawında jas sázende jónelisi boyınsha 2-orın;
➖Er balalar arasında sporttıń kishi futbol túri boyınsha 2-orın;
➖Student-qızlar arasında sporttıń voleybol túrinen 3-orın;
➖"Studentler teatr studiyaları" tańlawında 3-orın.
Sonıda maǵlıwmat ornında atap ótiw orınlı, JOOları arasında komandalıq esapta jeńimpazlar qatarında 3-orındı iyelewge miyassar boldıq.
Qolǵa kirgizilgen qatar unamlı nátiyjeler filial jámáátin quwanıshqa bóledi.
Álbette, tańlawlarda belsene qatnasıp, múnásip orınlardı iyelegen studentlerimizge minnetdarshılıq bildirip qalamız.
Sıylıqlaw máresiminde jeńimpazlarǵa diplom hám sıylı sawǵalar tapsırıldı.