SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Deputat hám jaslar ushırasıwı" bolıp ótti

Keshe, 1-iyun kúnifilialımızda “Jańa Ózbekstan jasları, birleseyik!” súreni tiykarında ótkerilgen “Studentler báhári” festivalı sheńberinde bir qatar ilájlar hám tańlawlar bolıp ótti.

Bunday ilájlar búgin de dawam etpekte. Atap aytqanda, Qaraqalpaqstan Respublikası Joqarǵı Keńesi deputatı Andjela Ómirovanıń qatnasıwında "Deputat hám jaslar ushırasıwı" bolıp ótti.

Onda filial basshıları, professor-oqıtıwshılar hám student-jaslar qatnastı. Ushırasıwdı filial direktorı Adilbay Esimbetov kiris sózi menen ashıp berdi. Bunnan soń A.Ómirova sózge shıǵıp, búgingi kúnde mámleketimizde jaslarǵa jaratıp berilip atırǵan keń múmkinshilikler, barlıq taraw rawajlanıwında olardıń qosıp atırǵan salmaqlı úlesleri, ásirese belsene jaslardıń jetiskenlikleri haqqında toqtaldı.

Ushırasıw dawamında mámleketimizde student-jaslardı qollap-quwatlaw baǵdarında alıp barılıp atırǵan jumıslar, atap aytqanda tólemli-kontrakt tiykarında bilim alıp atırǵan studentlerdiń kontrakt tólemleri tólep berilgenligi, olardıń sapalı bilim alıwı ushın jaratıp berilip atırǵan imkaniyatlar haqqında sóz etildi. Ushırasıw qatnasıwshıları deputatqa ózlerin qızıqtırǵan sorawlar menen múrájat etip, tiyisli juwaplardı aldı. Ushırasıw miymanı sóziniń juwmaǵında, filial studentlerine zamanagóy bilimlerdi puqta ózlestirip, úlken tabıslardı qolǵa kirgiziwge umtılıwdı másláhat berip ótti. Deputat penen alıp barılǵan ashıq sáwbetlesiw studentlerde unamlı tásirlerdi qaldırdı.