Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
«Úsh áwlad ushırasıwı» bolıp ótti
Búgin Respublikamız Joqarı oqıw orınları arasında “Jańa Ózbekstan jasları birleseyik" súreni astında “Studentler báhári” festivalına start berildi. Usı festival sheńberinde Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Úsh áwlad ushırasıwı» bolıp ótti. Filial direktorı Adilbay Esimbetov ilájdı kiris sózi menen ashıp berdi.
Ushırasıw dawamında veterinar-xirurug Maxset Sagizbaev, Qaraqalpaqstan Respublikası Veterinariya hám sharwashılıqtı rawajlandırıw komiteti baslıǵınıń orınbasarı Q.Pirnazarov hám «Veterinariya medicinası hám azıq awqat qáwipsizligi» kafedrasınıń oqıtıwshısı Sh.Tańirbergenovlar sózge shıǵıp, ózleriniń ómir jolı, tarawdıń rawajlanıwı jolında ámelge asırǵan iygilikli isleri, jolında ushıraǵan qıyınshılıq hám mashaqatları tuwralı aytıp berdi.
Ózleriniń kóp jıllıq alıp barǵan iskerligi dawamında arttırǵan tájiriybeleri menen ortaqlastı. Student-jaslarǵa házirgi kúnde mámleketimiz tárepinen jaratıp berilip atırǵan keń múmkinshiliklerden úneli paydalanǵan halda, gózlegen úlken maqsetlerine erisiw jolında tınbay hárekette bolıwı hám miynet etiwleri kerek ekenligi haqqında jaqsı keńesler berip ótildi. Keshe qaharmanları jaslarǵa úgit-násiyat berip ótiw menen birge olarǵa motivaciya baǵıshladı. Qatnasıwshılar iláj dawamında unamlı tásirlerdi aldı.
Málimleme xızmeti
