SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jataqxana studentleri menen sáwbetlesiw ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń studentler turaq jayında jasaytuǵın studentlerdiń halınan turaqlı túrde xabar alıp turıw, jaratılǵan sharayatlardı hám ushırasıp atırǵan mashqalalardı úyrenip barıw, olar arasında qızıqlı treningler hám ashıq sáwbetlesiwler ótkerip barıw jaqsı jolǵa qoyılǵan. Atap aytqanda, Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov, Hayal-qızlar máseleleri boyınsha direktor másláhatshisi G.Eshmuratova, psixolog M.Allamuratovalar tárepinen jataqxana studentleri qatnasıwında sáwbetlesiw alıp barıldı.

Dáslep, A.Seytkamalov filial student-jasları arasında shólkemlestirilip atırǵan ruwxıy-aǵartıwshılıq ilajları hám sport jarısları, jataqxana studentleriniń olarǵa belsene qatnası haqqında toqtalıp ótti. Studentler turaq jayındaǵı tártip-intizam hám jaslardıń bos waqıtların paydalı maqsetlerge jumsawı ushın qolay sharayatlardı jaratıwdıń áhmiyeti tuwralı da aytıp ótti. Bunnan soń G.Eshmuratova sózge shıǵıp, student-qızlarǵa sóylew hám kiyiniw mádeniyatı tuwralı keń túrde túsinik berip ótti. Sonday-aq, filial psixologı M.Allamuratova «Stressli jaǵdaylarda ózin basqara alıw hám onnan tez shıǵıp ketiw usılları» teması sheńberinde studentlerge qızıqlı maǵlıwmatlardı hám paydalı másláhatlerdi berdi.

Jataqxanadaǵı studentlerdiń sociallıq, psixologiyalıq jaǵdayın úyreniw maqsetinde olar arasında sorawnama ótkerdi. Sáwbet dawamında STJındaǵı studentlerdiń mashqalaların úyreniw hám olardı unamlı sheshiwge jaqınnan kómeklesiw, bos waqıtların mazmunlı shólkemlestiriw boyınsha sistemalı jumıslardı alıp barıwdıń áhmiyeti túsindirildi. Qatnasıwshılar da ózleriniń pikirlerin bildirip ótti. Jataqxana studentleri menen bunday tárizdegi sáwbetlesiwler turaqlı túrde ótkerip kelinbekte.