SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Konstituciyalıq reformalar – insan qádiri ushın» atamasında ushırasıw ótkerildi

Usı jıldıń 26 aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń direktorı Adilbay Esimbetov basshılıǵında sırtqı tálim baǵdarı studentlerine «Konstituciyalıq reformalar –insan qádiri ushın» atamasında ushırasıw ótkerildi. Ilaj basında A.Esimbetov sózge shıǵıp elimizde alıp barılıp atırǵan Konstituciyalıq reformalar tikelley insan qádiri hám abıroyın ulıǵlawǵa qaratılǵanlıǵı, xalqımızdıń párawan hám abadan turmısın bunnan bılayda jaqsılawǵa xızmet etiwi haqqında toqtaldı.

Ilaj dawamında jańalanıp atırǵan Konstituciyaǵa kirgizilip atırǵan ózgerisler menen qosımshalar, jaqında bolıp ótiwi kútilip atırǵan referendum hám onıń áhmiyeti boyınsha keń túsinikler berildi. Ushırasıw qatnasıwshılarına áhmiyetli siyasıy process-referendum múnásibeti menen elimiz boylap jaslar arasında keń túrde alıp barılıp atırǵan úgit-násiyat ilajlarınıń áhmiyeti aytıp ótildi. Sonday-aq, filial student-jasları da bunday iygilikli iste óz úleslerin qosqan halda, orınlarda óz teńlesleri hám jámlespegen jaslar arasında jańalanıp atırǵan Konstituciyanıń mazmunın túsindiriw boyınsha úgit-násiyat ilajların shólkemlestiriwde belsendilik kórsetip atırǵanlıǵı ayrıqsha atap ótildi.

Bunnan soń Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev tárepinen Bas Nızamımızǵa jańadan kirgizilip atırǵan 27 statya boyınsha maǵlıwmatlar berildi.

Jańa redakciyadaǵı Konstituciyanıń xalqımız turmısında tutqan girewli ornı, oǵan kirgizilip atırǵan jańa ózgerisler insan mápleri hám erkinliklerin jáne de bekkemlep, onıń qádirin ulıǵlawǵa xızmet etiwi ayqın mısallar menen aytıp ótildi. Ushırasıwda sırtqı bólim studentlerine referendum túsinigi hám jańalanıp atırǵan Konstituciya boyınsha kerekli maǵlıwmatlar berip ótildi. Qatnasıwshılarda sózge shıǵıp, erkin túrde óz pikirlerin bildirip ótti.