Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Filial oqıtıwshısı Xojeli qalasındaǵı mektep oqıwshıları menen ushırastı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı Zooinjeneriya kafedrasınıń baslıǵı A.Toreshova Xojeli qalasındaǵı xalıq bilimlendiriw bólimine qaraslı 18-sanlı ulıwma orta bilim beriw mektebinde bolıp, oqıwshı-jaslar menen ushırastı.Ilajdı mektep direktorı B.Kósheterov ashıp berip, jıynalǵanlarǵa kelgen miymanlardı tanıstırıp ótti. A.Toreshova sózge shıǵıp, óziniń ómir hám miynet jolı, erisken tabısları hám qanday mashaqatlı jollardı basıp ótkenligi tuwralı oqıwshı-jaslarǵa aytıp berdi.
—Insan óz aldına úlken hám anıq maqsetlerdi qoyıp, jetiskenliklerge qaray umtılsa, kútilgen nátiyjelerge erise aladı. Jolımızdan shıqqan hár qanday tosıqtı jeńip ótiwdi hám alǵa qaray ilgerilep barıwdı úyreniwimiz kerek—deydi A.Toreshova. Sonday-aq, sáwbetlesiw dawamında ósip kiyatırǵan jas áwladqa jámiyettegi belsene adamlarǵa háwes penen qarap, olardı ózlerine órnek tutıw arqalı durıs maqsetlerge qaray baǵdar alıw kerek ekenligi atap ótildi. Keshe qaharmanları tárepinen oqıwshılarǵaunamlı motivaciyalar berildi. Qatnasıwshılar ózlerin qızıqtırǵan sorawlarǵa jan-jaqlama juwaplar aldı. Ushırasıwdıń rásmiy bólimi óz juwmaǵına jetkennen keyin, mektep oqıwshıları tárepinen shólkemlestirilgen kórgizbe bolıp ótti. Onda qábiletli jaslardıń qol óneri negizinde tayarlanǵan buyımlar, atap aytqanda tigiwshilik hám milliy kesteshilik,toqımashılıq ónerleri boyınsha óz jumısları kórsetildi. Miymanlar kórgizbe menen jaqınnan tanısıp, olarǵa unamlı pikirlerin bildiridi. Bunnan soń qábiletli oqıwshı-jaslar tárepinen qızıqlı koncert baǵdarlaması qoyıp berildi.
Málimleme xızmeti
