SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentlerge biznes hám jeke isbilermenlik tarawı boyınsha seminar ótkerildi

Usı jıldıń 19 aprel kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń málimleme resurs orayında biznes hám jeke isbilermenlik tarawına qızıǵıwshılǵı bar bolǵan student-jaslar ushın taraw wákilleri qatnasıwında seminar shólkemlestirildi. Onda «Tadbirkor ayol» Ózbekstan Isbilermen hayallar associaciyası Qaraqalpaqstan Respublikası bólimi biznes treneri N.Usmanov, Jaslar menen islesiw, ruwxıylıq hám aǵartıwshılıq bólimi baslıǵı A.Seytkamlov, hayal-qızlar máseleleri boyınsha direktor másláhatshisi G.Eshmuratova, Málimleme resurs orayı bólimi baslıǵı J.Xalmuratova hámde student-jaslar qatnastı. Ilajdı A.Seytkamalov kiris sózi menen ashtı. Dáslep, biznes trener N.Usmanov mámleketimizde keyingi jıllarda hayal-qızlar isbilermenligin rawajlandırıw, ásirese bul tarawǵa qızıǵıwshılıǵı bolǵan hayal-qızlardı hár tárepleme qollap-quwatlap, olardı kásip-ónerge baǵdarlaw, jeke isbilermenlikke qamtıp alıw, olardıń jaqsı dáramat tabıwı ushın qolay sharayatlardı jaratıp beriw baǵdarında ámelge asırılıp atırǵan keń kólemli jumıslarǵa toqtaldı. Qatnasıwshılarǵa biznes reje dúziw hám óz isbilermenligin baslaw boyınsha zárúr bolǵan maǵlıwmatlar berildi. Respublikamızdaǵı biznes tarawı boyınsha nátiyjeli tabıslarǵa erisken hám erisip atırǵan isbilermen hayallar turmıslıq mısal retinde keltirip ótildi.

— Eń tiykarǵısı insannıń ózine bolǵan isenimi hám qálewi. Isenim háreketti payda etedi, háreket bolsa álbette óziniń unmalı nátiyjesin beredi. Bizneste operativlik hám keń dún'yaqarasqa iye bolıwúlken rol oynaydı — deydi N.Usmanov. Seminar dawamında student-jaslarǵa qızıqlı maǵlıwmatlar hám tiyisli qórsetpeler berip ótildi. Jeke isbilermenlik tarawına qızıǵıwshılıǵı bar jaslarǵa ájayip motivaciya berip ótildi. Sonday-aq, associaciya tárepinen ámelge asırılıp atırǵan jumıslar tuwralı túsinik berildi. Qatnasıwshılar biznes reje dúziw hám jeke isbilermenlikti baslaw boyınsha kerekli maǵlıwmatlarǵa iye boldı. Insan óz aldına iygilikli maqsetlerdi qoyıp, oǵan erisiw ushın háreket qılsa, jaratılǵan keń múmkinshiliklerden utımlı paydalana bilse, álbette unamlı nátiyjelerge erisedi. Búgingi ilaj sheńberinde student-jaslarda usınday pikirler payda bolǵan bolsa ájep emes.