SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Juwazshı» MPJ turǵınlarına Jańalanıp atırǵan Konstituciyanıń mazmunı boyınsha keń túsinikler berildi

Jaqında ótkeriletuǵın referendum múnásibeti menen elimiz boylap keń túrde úgit-násiyat ilajları ótkerilip kelinbekte. Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında úgit-násiyat toparı aǵzaları tárepinen filialǵa biriktirilgen máhállelerde Jańalanıp atırǵan Konstituciyanıń mazmunı hám áhmiyetin túsindiriwge baǵıshlanǵan úgit-násiyat ilajları alıp barılmaqta. Usınday ilajlardıń biri búgin Veterinariya hám zooinjeneriya fakultetiniń Jaslar menen islesiw boyınsha dekan orınbasarı E.Seytmuratov, jaslar jetekshisi A.Sheripbaev hámde student-jaslar tárepinen shólkemlestirildi.

Úgit-násiyat toparı aǵzaları filialǵa biriktirilgen «Juwazshı» MPJ turǵınlarına Jańalanıp atırǵan Konstituciyanıń mazmun hám mánisi boyınsha keń túsiniklerdi berdi. Ámeldegi Ózbekstan Respublikası Konstituciyasınıń teksti 65 payızǵa jańalanıp atırǵanlıǵı, kirgizilip atırılǵan bul ózgerisler mámleketimizde insan huqıqları hám erkinlikleri, onıń mápleri hámme nárseden ústem ekenligin ayqın tastıyıqlawı hám ulıwmaxalıqlıq dodalawlarda puqaralardıń belsendilik penen qatnasqanlıǵı ayrıqsha atap ótildi. Sonday-aq ilaj dawamında sózge shıqqanlar, jıyılǵanlarǵa júz beriwi kútilip atırǵan áhmiyetli siyasıy waqıya —ótkerilejaq referendumnıń áhmiyeti, kútilip atırǵan jańalanıwlardıń xalqımız turmısında tutqan ornı tuwralı tolıq túsiniklerdi berip ótti. Ózbekstan Respublikası Konstituciyasınıń ózgeris kirgizilip atırǵan statyalarına toqtalıp, sholıw jasas ótildi. «Juwazshı» MPJ turǵınlarına kerekli maǵlıwmatlar berilip, olarda keń túsinikler qáliplesti. Úgit-násiyat toparı aǵzaları tárepinen filialǵa biriktirilgen máhállelerde usınday ilajlar dawam etedi.