SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Gender teńlik hám biz zorlıqqa qarsımız» teması sheńberinde seminar-trening ótkerildi

Búgin filial psixologı M.Allamuratova tárepinen filial Hayal-qızlar jámáátine «Gender teńlik hám biz zorlıqqa qarsımız» teması sheńberinde seminar-trening ótkerildi. Onda filial professor-oqıtıwshıları hám xızmetkerleri qatnastı. Trening dawamında keyingi jıllarda mámleketimizde gender teńlikti támiyinlew máselesine qaratılıp atırǵan ayrıqsha itibar hám bul baǵdarda alıp barılıp atırǵan nátiyjeli jumıslar boyınsha maǵlıwmatlar berildi. Gender teńlikke erisiw arqalı jámiyetimizde Hayal-qızlardıń abıroyın hám belsendiligin jáne de arttırıw múmkin ekenligi ayrıqsha atap ótildi.

Seminar qatnasıwshılarına tema sheńberinde maǵlıwmatlar berip ótilgennen keyin, qızıqlı pisxologiyalıq shınıǵıwlar ótkerildi. Filial Hayal-qızları arasında bunday ilajlardı shólkemlestirip barıw arqalı, olarda jáne de keń túsiniklerdi payda etiw hám pikir hám usınısların tıńlap barıw imkanı jaratıladı. Sonday-aq, hayallarǵa qaratılǵan hár qanday zorlıqtı saplastırıwǵa qaratılǵan is-ilajlarǵa ayrıqsha toqtap ótildi. Tábiyat názik qılıp jaratqan hayallarǵa zorlıq hám zombılıq emes, kersinshe mehir hám múriubet kórsetiw kerek. Áne sonda hayal adamnıń lebine kúlki juwıradı, olar qúlse, baxıtqa bólense jámiyet baxıtlı boladı. Seminar-trening dawamında kún teması hár tárepleme dodalandı hám qızıqlı tárizde alıp barıldı.