SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial studentleri “Ózbekstan-jaslar mámleketi” súreni astında ótkerilgen úgit-násiyat ilajında qatnastı

Belgili bolǵanınday, elimz boylap 30-aprel kúni bolıp ótetuǵın referendum boyınsha úgit-násiyatlaw ilajları hám forumlar shólkemlestirilmekte. Kúni keshe paytaxtımızda “Ózbekstan-jaslar mámleketi” súreni astında úgit-násiyat ilajı bolıp ótti. Jaslar isleri agentligi tárepinen joqarı dárejede shólkemlestirilgen usı ilajǵa Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń student-jasları hám tyutorları Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı Salamat Ganiev basshılıǵında belsene qatnastı. Áyne kúnlerde júz beriliwi kútilip atırǵan mámleketimizdegi áhmiyetli siyasıy waqıya-referendumnıń áhmiyeti, Jańalanıp atırǵan Konstituciyamızdıń mazmunı boyınsha jaslarǵa zárúr bolǵan túsiniklerdi beriw hám sol arqalı olardıń siyasıy sawatlılıǵın arttırıw maqsetinde ótkerilgen usı ilaj sheńberinde túrli sport jarısları, media hám isbilermenlik boyınsha seminar treningler, debat hám túrli qızıqlı ilajlar shólkemlestirildi.
Filial student-jasları ótkerilgen ilajlarda óz belsendiligin kórsetiwge tırıstı. Álbette, Jańalanıp atırǵan Konstituciyanıń mazmunın hám áhmiyetin túsindiriwge qaratılǵan bunday ilajlardıń baslı maqseti jaslarǵa bolıp ótejaq referendum boyınsha tolıq maǵlıwmat beriw hám olarda kerekli bilim hám túsiniklerdi qáliplestiriwden ibarat. Paytaxtımız boylap “Ózbekstan-jaslar mámleketi” súreni tiykarında ótkerilgen úgit-násit ilajında barlıq joqarı oqıw orınlarınıń student-jasları qatarı filial studentleri de belsene qatnasıp, referendum boyınsha kerekli maǵlıwmatlarǵa iye boldı. Sonıń menen birge ilaj juwmaǵında Ózbek hám Qaraqalpaq estradasınıń jarqın juldızları qatnasında ájayip koncert baǵdarlaması inam etildi. Ásirese Ózbekstan xalıq artisti Farrux Zokirov hám qosıqshı Bunyodbek Saidovlardıń shıǵıwları hámmege quwnaq keypiyat baǵıshladı.