SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Referendum boyınsha úgit-násiyatlaw jumısları dawam etpekte

Búgin filialımızdıń májilisler zalında Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev basshılıǵında “Referendum: Ózbekstan—sociallıq, huqıqıy mámleket” temasında ushırasıw ótkerildi. Onda Jańalanıp atırǵan Konstituciya aydın keleshegimiz ushın úlken qádem bolıwı hám iygilikli maqsetlerimizdi belgilep alıwımız ushın júdá áhmiyetli bolıp sanalıwı atap ótildi. S.Ganiev tárepinen student-jaslarǵa«referendum» túsinigi hám referendum ótkeriw processi boyınsha kerekli maǵlıwmatlar berildi. Atap aytqanda,puqaralardıń bul processte qatnasıw tártibi, referendum ótkeriwdegi tiykarǵı princplar, dawıs beriw qay tártipte ámelge asırılıwı, referendum ótkeriwshi komissiyalar iskerliginiń huqıqıy tiykarları, puqaralardıń bul processlerde qanday huqıqqa iye ekenligi boyınsha tolıq maǵlıwmatlar berildi
—Biz joqarı bilimlendiriw tarawında xızmet kórsetip atırǵan xızmetker kadrlar sıpatında mámleketimizde júz berip atırǵan hár qanday jańalanıwlarǵa biyparıq bolmawımız zárúr. Jańalanıp atırǵan Konstituciya hár bir puqara ushın áhmiyetli qádem sanalıp, úlken bir imkaniyat esiklerin ashıp beriwi anıq —deydi direktordıń birinshi orınbasarı S.Ganiev. —Sociallıq, huqıqıy mámleket insanlardıń múnásip turmıs dárejesin támiyinlep beredi. Sol sebepli, biz hesh birimiz bul processlerge biyparıq bolmaǵan halda, student-jaslar arasında túsinik úgit-násiyatlaw ilajların shólkemlestirip kelmektemiz. Ilaj dawamında barlıq qatnasıwshılarǵa qızıqlı maǵlıwmatlar berildi. Student-jaslar tema sheńberinde óz pikirlerin bildirip ótti.