SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filialda Konstituciyalıq reformalarǵa baǵıshlanǵan úgit-násiyat ilajları alıp barılmaqta

Bárshemizge belgili, usı kúnlerde Ózbekstan Respublikası Konstituciyasınıń jańalanǵan joybarınıń mazmunı hám áhmiyetin túsindiriw boyınsha Respublikamızdaǵı barlıq joqarı oqıw orınlarında úgit-násiyat ilajları hám forumlar shólkemlestirilip atır. Atap aytqanda, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da konstituciyalıq reformalarǵa baǵıshlanǵan ilajlarǵa start berildi. Belgilengen tema sheńberinde professor-oqıtıwshılar, xızmetkerler hámde student-jaslar ortasında keń kólemde túsindiriw ilajların alıp barıw hám bunday ilajlardı joqarı dárejede shólkemlestiriwge ayrıqsha itibar qaratılǵan halda, hár bir toparda usınday mazmundaǵı ilajlardı ótkeriw ushın grafik tastıyıqlandı. Búgin jámi 12 topar studentlerine Konstituciyalıq nızam joybarınıń mazmunı hám áhmiyeti keń túsindirildi. «Ekonomika hám gumanitar» pánler kafedrasınıń oqıtıwshısı N.Jamalov hámde tyutorlar tárepinen filial májilisler zalında student-jaslarǵa hámmemiz ushın júdá áhmiyetli siyasıy process sanalǵan Konstituciyalıq reformalar boyınsha tolıq maǵlıwmatlar berildi.

Shıǵıp sóylewshiler áyne qúnlerde bul processlerge keń kólemde tayarlıq jumısları alıp barılıp, orınlarda úgit-násiyat ilajları shólkemlestirilip, puqaralarǵa keń túsinikler berilip atırǵanlıǵı haqqında toqtaldı. Jańalanıp atırǵan Konstituciya hár birimizdiń táǵdirimiz hám keleshegimizdi belgileydi. Sonlıqtan usı áhmiyetli processte belsendi qatnasıwǵa, referendum boyınsha bilimlerimizdi jáne de asırıp, Tiykarǵı Nızamımızǵa kirgizilip atırǵan ózgerisler menen jaqınnan tanısıwǵa háreket qılıwımız kerek. Úgit-násiyat ilajı dawamında filial student-jaslarına konstituciyalıq reformalar boyınsha jan-jaqlama túsinikler berildi. Qatnasıwshılar ózlerin qızıqtırǵan sorawlarǵa juwap aldı. Filialda «Meniń Konstituciyam» súreni tiykarında professor-oqıtıwshılar, barlıq xızmetkerler hámde student-jaslarǵa Ózbekstan Respublikası Konstituciyasınıń jańalanǵan joybarınıń mazmun hám áhmiyetin túsindiriwge qaratılǵan úgit-násiyat jumısları alıp barıldı. Búgingi ilajlar dawamında student-jaslar zárúr maǵlıwmatlarǵa iye boldı.