SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Áyyemgi Xiywa qalasına sayaxat

Filial studentleriniń bos waqıtların mazmunlı shólkemlestiriw, olardı jurtımızdaǵı mádeniy hám tariyxıy estelikler menen jaqınnan tanıstırıw, sonıń menen birge ishki turizmdi rawajlandırıwǵa úles qosıw maqsetinde buxgalteriya esabı hám audit (tarmaqlar boyınsha) qánigeliginiń 1-kurs 109-topar studentleri tyutorı A.Baymuratov basshılıǵında Xiywa qalasına sayaxat shólkemlestirildi. Belgili bolǵanınday bul jer turistler hám sayaxatshılardıń dıqqat orayındaǵı sayaxat etetuǵın orınlardan biri bolıp sanaladı.

Xiywanı ashıq aspan astındaǵı muzey dep atalıwı da júdá orınlı. Student-jaslar bul áyyemgi qaladaǵı tariyxıy estelikler hám bir-birinen ájayip arxitekturalıq qurılıslar menen jaqınnan tanısıp, olar tuwralı bahalı maǵlıwmatlarǵa iye boldı.— Dúnya júzinen kóplegen turistler sayaxat etiw ushın keletuǵın bul áyyemgi qalaǵa aldınları hesh kelip kórmegen bolsam da, álbette barıp kóremen dep kewilime túyip, sapar etiwdi niyet qılıp júrgen edim. Mine búgin qalıs niyetime jettim—deydi sayaxatshı studentlerdiń biri Malika Polatova—tyutorımız basshılıǵında gruppalas doslarım menen birge Xiywanı sayaxat ettik. Alǵan tásirlerim ájayip boldı. Filialdaǵı shólkemlestiriwshilerge óz minnetdarshılıǵımdı bildiremen.
Student-jaslar telefon arqalı baylanısıp, Málimleme xızmeti menen óz tásirlerin usı tárizde bólisti. Shólkemlestiriwshi A.Baymuratovta sayaxat qızıqlı tárizde bolıp ótip atırǵanlıǵın hám student-jaslar ózgeshe zawıq alǵanlıǵın atap ótti. Mádeniy hám bay tariyxqa iye Xiywa qalasına shólkemlestirilgen sayaxat hár tárepleme unamlı boldı dep oylaymız. Sonıń menen birge, olar Shılpıq qalasında sayaxat etip ótiwdi rejelestirgenligin ayttı. Xiywa qalasına sapar hám zıyarat hám sayaxat tárizinde ámelge asırıldı.