SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Kontrafaktsız ay» aylıǵı sheńberinde ushırasıw ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında «Kontrafaktsız ay» aylıǵı sheńberinde qánigeler qatnasıwında «Intellektual múlk obyektleriniń huqıqıy qorǵalıwı» atamasında ushırasıw ótkerildi.
Onda Qaraqalpaqstan Respublikası Ádillik ministrligi intellektual múlk huqıqların qorǵaw bólimi másláhatshisi N.Esnazarov, Qaraqalpaqstan Respublikası Monopoliyaǵa qarsı gúresiw hám tutınıwshılar huqıqların qorǵaw komiteti bas qánigesi G.Gayıpova, profilaktika inspektorı, aǵa leytenant Q.Qaypnazarov, tyutorlar hám student-jaslar qatnastı. Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov ilajdı kiris sózi menen ashtı.
Ótkerilgen ushırasıwda qánigeler tárepinen qatnasıwshılarǵa intellektual múlk tuwralı keń túsinikler berildi. Mámleketimizde intellektual múlkti qorǵaw boyınsha huqıqıy sistema jaratılǵanlıǵı, bul boyınsha qabıl qılınǵan nızam hújjetleriniń mazmunı hám áhmiyeti boyınsha jan-jaqlama túsinikler berildi.

Sonday-aq, «Kontrafaktsız ay» aylıǵı sheńberinde alıp barılıp atırǵan is-ilajlar, kontrafakt túsinigi tuwralı, kontrafakt ónim intellektual múlk huqıqların buzǵan halda islep shıǵarılǵan hám satılatuǵın tovarlar ekenligi haqqında tolıq maǵlıwmatlar berildi. Bul boyınsha huqıqıy bilimlerge iye bolıw zárúr ekenligi atap ótildi hám keyingi jıllarda intellektual múlk tarawı boyınsha xalıqtıń sawatlılıǵın asırıw boyınsha ámelge asırılǵan jumıslar aytıp ótildi. Ushırasıw qatnasıwshıları tema sheńberinde kerekli maǵlıwmatlarǵa iye boldı. Olarǵa tiyisli túsinikler berip ótildi hám sorawlarǵa tolıq juwap berildi. Olarda jáne de keń túsiniklerdi qáliplestiriw maqsetinde tarqatpa materiallar tarqatıldı.