SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Biz jaslar náshebentlikke qarsımız» súreni tiykarında stol tennisi boyınsha jarıs ótkerildi

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń studentler turaq jayında profilaktika inspektorı, aǵa leytenant Q.Qaypnazarovtıń baslaması tiykarında «Náshebentlikke qarsı gúresiw aylıǵı» sheńberinde student-jaslar ortasında «Biz jaslar náshebentlikke qarsımız» súreni tiykarında sporttıń stol tennisi túrinen jarıs shólkemlestirildi. Bul ilajda tárbiyashı-pedagog A.Kunnazarov hámde student-jaslar qatnastı.

Jataqxananıń 30 ǵa shamalas studentlerin qamtıp alǵan bul jarıs óz-ara keskin bellesiw hám tartıslarǵa bay tárizde qızıqlı bolıp ótti.— Jaslar arasında náshebentliktiń aldın alıwǵa qaratılǵan profilaktikalıq ilajlardıámelge asırıp barıw, bul jaman illettiń ayanıshlı aqıbetleri tuwralı túsiniklerdi berip barıwǵa áhmiyteli wazıypa sıpatında qarawımız tiyis — deydi Q.Qaypnazarov.
Stol tennisi sport jarısınıń juwmaqlawshı nátiyjelerinee bola, er-jigitler arasında sıylı birinshi orındı 1-kurs 102-topar studenti O.Xurramov iyeledi. 1-kurs 108-topar studenti S.Turgunov ekinshi orındı iyelegen bolsa, 3-orın 2-kurs 204-topar studenti I.Qosıbaevqa nesip etti.Qızlar arasında 1-kurs 104-topar studenti D.Aytjanova jeńimpaz bolıp, 1-orındı qolǵa kirgizgen bolsa, 1-kurs 101-topar studenti Z.Omarova 2-orındı, 2-kurs 209 -topar studentiB.Orakbaeva 3-orındı alıwǵa miyassar boldı. Barlıq jeńimpazlar shólkemlestiriwshiler tárepinen diplom menen sıylıqlandı. Jarıs qatnasıwshılarınıń bos waqıtları mazmunlı hám qızıqlı tárizde shólkemlestirildi.