Talaba-qizlar o‘rtasida o‘rtoqlik voleybol bahslari tashkil etildi
18 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Studentler turaq jayındaǵı qızlar menen sáwbet alıp barıldı
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialınıń studentler turaq jayında hápteniń piyshembi kúni «Huqıqbuzarlıqlar profilaktika kúni» múnásibeti menen student-qızlar arasında sáwbetlesiw alıp barıldı. Bul ilajda Nókis qalalıq ishki isler organları jumısların muwapıqlastırıw basqarması JKB XPT hayal-qızlar máseleleri boyınsha aǵa inspektorı, mayor A.Namenova, Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev, profilaktika inspektorı, aǵa leytenant Q.Qaypnazarov, tárbiyashı-pedagog A.Kunnazarov hámde student-jaslar qatnastı.
S.Ganiev ilajdı kiris sózi menen ashıp, jataqxanadaǵı studentlerdiń bos waqıtların mazmunlı hám paydalı tárnizde ótkeriw baǵdarında alıp barılıp atırǵan jumıslarǵa toqtaldı. Bunnan soń, A.Namenova sózge shıǵıp, studentler turaq jayında qızlar arasında tártip-intizamdı saqlaw hám olardıń awızbirshiligin támiyinlew arqalı júz beriwi múmkin bolǵan hár qanday kewilsizliklerdiń aldın alıw múmkin ekenligi haqqında aytıp ótti.
Sonday-aq, búgingi kúnde jámiyetimizdegi hayal-qızlar arasında ushırasıp atırǵan túrli huqıqbuzarlıq hám jınayatlar, olardıń sebepleri tuwralı faktler menen maǵlıwmatlar berip ótildi. Student-qızlardıń da pikirleri hám usınısları tıńlandı. Olardıń mashqalasın úyrenip barıw hám birgelikte unamlı sheshim tabıw boyınsha da bahalı pikirler bildirip ótildi. Sáwbetlesiw dawamında jataqxanadaǵı student-qızlar paydalı maǵlıwmatlarǵa iye boldı. Sonday-aq, olardıń sabaqtan tısqarı bos waqıtların mazmunlı shólkemlestiriw boyınsha másláhatler berip ótildi.
Málimleme xızmeti
