SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Studentler «Men – donorman» qayırqomlıq qan tapsırıw akciyasında belsene qatnastı

5-10-fevral aralıǵında «Qan donorlıǵı hápteligi» etip belgilengenligi múnásibeti menen Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı «Veterinariya hám zooinjeneriya» fakultetiniń student-jasları Nókis qalasında Respublikalıq qan quyıw stanciyasında «Men– donorman» qayırqomlıq qan tapsırıw akciyasında belsene qatnastı.

Topar tyutorları basshılıǵında kewilli studentler bul akciyada qatnasıp, biyǵárez túrde qan tapsırdı. Túrli sebeplerge kóre jaraqatlanǵan hám qan joǵaltqan, sonday-aq, gematologiyalıq hám onkologiyalıq kesellikler menen gúresip kiyatırǵan qanǵa mútáj insanlarǵa biyǵárez qan beriw arqalı iygilikli hám sawaplı iske úles qosıw aǵla insanıylıq paziyletlerdiń ayqın dáliyli bolıp tabıladı.

Respublikalıq qan quyıw stanciyasında ótkerilgen ilaj dawamında, studentlerdiń qan tapsırıw processinde donor bolıw ushın juwap beriwi tiyis bolǵan barlıq talaplarǵa ámel etildi, qarama-qarsı kórsetpeler dizimi tiykarında medicinalıq kórikten ótkerildi. Qánigeler tárepinen studentlerge qan tapsırıwdıń den sawlıqqa paydalı tárepleri aytıp ótildi. Filial student-jasları biyǵárez túrde qan tapsırıp, sawaplı iske óz úleslerin qostı.

Qanǵa mútáj bolǵan nawqaslar sawalıp, barlıq biyǵárez donorlarǵa óz minnetdarshılıǵın bildirse, bunnan asqan baxıt bolmasa kerek. Studentlerimizdińbunday iygilikli ilajlarda qatnasıwında filialda bul baǵdarda alıp barılıp atırǵan úgit-násiyat jumıslarınıń da ornı girewli dep oylamız. «Men – donorman» qayırqomlıq qan tapsırıw akciyasında belsene qatnasqan student-jaslarǵa minnetdarshılıq bildirip qalamız.