SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Hayal-qızlar arasında júz beriwi múmkin bolǵan jınayatlardıń aldın alıw boyınsha ushırasıw ótkerildi

Búgin filialımızda hápteniń piyshembi kúni «Huqıqbuzarlıqlar profilaktika kúni» múnásibeti menen student-qızlar qatnasıwında Hayal-qızlar arasında júz beriwi múmkin bolǵan huqıqbuzarlıqlar hám jınayatlardıń aldın alıw temasına baǵıshlanǵan ushırasıw shólkemlestirildi. Bul ilajda Nókis qalalıq ishki isler organları jumısların muwapıqlastırıw basqarması JKB XPT hayal-qızlar máseleleri boyınsha aǵa inspektorı, mayor A.Namenova, Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı S.Ganiev, profilaktika inspektorı, aǵa leytenant Q.Qaypnazarov, Hayal-qızlar máseleleri boyınsha direktor másláhatshisi G.Eshmuratova, psixolog M.Allamuratova hám student-qızlar qatnası.

S.Ganiev ushırasıwdı kiris sózi menen ashtı. Bunnan soń A.Namenova hám Q.Qaypnazarovlar sózge shıǵıp, búgingi kúnde hayal-qızlar tárepinen aldawshılıq hám urlıq penen baylanıslı jınayatlar ámelge asırılıp atırǵanlıǵı, olar nızam aldında tiyisli jazaların alıp, qılǵan islerine pushayman bolıp atırǵanı hám bunday unamsız jaǵdaylardan basqalar ózlerine sabaq alıp, jınayattıń uzın jolına kirip ketpewi kerek ekenligi atap ótildi.

Tilekke qarsı, statistikalıq maǵlıwmatlarǵa bola, keyingi jıllarda hayal-qızlar tárepinen ámelge asırılǵan jınayatlardıń payızlarda kóbeygeni, olardıń basım kópshiligin joqarıda atap ótilgen jınayatlar quraytuǵını da aytıp ótildi. Student-qızlarǵa jınayat kóshesinen jıraq bolıw, átirapındaǵılardı iygilikli islerge shaqırıw hám bilimlerdi jaqsı ózlestirip, keleshekte óz qánigelikleriniń jetik mamanı bolıwǵa tırısıw másláhat etildi. A.Namenova óz is tájiriybesinen kelip shıǵıp turmıslıqmısallardı keltirdi. Ushırasıw dawamında student-qızlar paydalı maǵlıwmatlardı aldı.