«Miynetti qorǵaw haqqında» ǵı Nızamnıń mazmun mánisin tusindiriw

    Filial xojalıq bólimi texnik xızmetkerleri qatnasıwında Qaraqalpaqstan Respublikası Bántlik hám miynet qatnasıqları ministrligi inspektorı M.Tajetdinov tárepinnen Ózbekstan Respublikasınıń «Miynetti qorǵaw haqqında» ǵı Nızamnıń mazmun mánisin tusindiriw boyınsha ilaj shólkemlestirildi. Ilájǵa filial Isler basqarması baslıǵı S.Qaniyazov hám filial kásiplik awqamı shólkemi baslıǵı G.Kazaxbaevalar qatnastı.

     Ilájda hár bir jumıs orınları miynetti qorǵaw talaplarına ámel etiw kerekligin, islewshilerdiń jumıs prossesinde baxıtsız hádiyselerge ushırap qalǵan jaǵdayda qanday talaplarǵa ámel etiw kereligi boyınsha maǵlıwmatlar berip ótti. 

    Xızmetkerlerge olardıń miynet wazıypasın orınlaw menen baylanıslı halda jaraqatlanıwı, kásip keselliklerine ushırawı yaki den sawlıǵınıń basqa túr zıyanlanıwı sebepli jetkerilgen zıyan tóleniwi kózde tutılǵan muǵdarda napaqa hám zıyan tólemlerin alıw huqıqına iye bolǵan shaxslarǵa tóleniwi kerek bolǵan ayma-ay tólemleriniń tóleniwi haqqında maǵlıwmatlar berip ótti.

    Miynet sharayatı qolaysız, zıyanlı hám pataslıqlar menen baylanıslı jumıslarda islewshilerdi gigiena buyımları menen biypul támiyinlew huqıqın beretuǵın kásip hám lawazımlardı atap ótti.