SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Таяныш оқыў орныныӊ жуўапкерлери хызмет сапары менен филиалға келди

Филиалымызға таяныш оқыў орнымыз болған Самарқанд мәмлекетлик ветеринария медицинасы, шарўашылық ва биотехнологиялар университетиниӊ оқыў ислери бойынша проректоры A.Элмуродов ҳәм Зооинженерия факултети деканы О.Бойматовлар әмелий сапар менен келди.

Буннан гөзленген тийкарғы мақсет, усы жылда өткерилиўи режелестирилип атырған Aттестация–аккредитация процесслерине таярлық көриў бойынша әмелий жәрдем бериўден ибарат. A.Элмуродов ҳәмде О.Бойматовлар тәрепинен филиал профессор-оқытыўшылары ҳәмде хызметкерлер қатнасыўында Aттестация–аккредитация процесслери бойынша толық түсиник жумыслары алып барылып, тийисли көрсетпелер берилди.
Соныӊ менен бирге әмелий сапар шеӊберинде филиал бинасы, оқыў процесслери ҳәмде әмелге асырылған жумыслар көзден кеширилди. Тийисли нормативлик-ҳуқықый ҳүжжетлер үйренилип, филиалда алып барылып атырған жумыслар сапасын ҳәм нәтийжесин буннан былайда арттырыў бойынша тийисли көрсетпелер берип өтилди.
Әлбетте, таяныш оқыў орнымыз тәрепинен шөлкемлестирилип атырған оқыў семинарлары ҳәмде көрсетилип атырған әмелий жәрдем филиалға aттестация процесслерине таярлық көриў бойынша ҳәр тәреплеме өзиниӊ утымлы нәтийжесин береди десек қәтелеспеген боламыз. Мағлыўмат ушын, Aттестация – аккредитация процесси 2023-жыл сентябрь айында болып өтиўи белгиленген.
Бүгин Самарқанд мәмлекетлик ветеринария медицинасы, шарўашылық ва биотехнологиялар университетиниӊ оқыў ислери бойынша проректоры A.Элмуродов ҳәм Зооинженерия факултети деканы О.Бойматовлардыӊ филиалға хызмет сапары өз жуўмағына жетти.