Órt qáwipsizligi aylıǵı sheńberinde ilaj ótkerildi.

Qaraqalpaqstan Respublikası Ministrler Keńesiniń 2022-jıl 11-noyabr kúngi «Ayrıqsha jaǵdaylardıń aldın alıw hám olardı saplastırıw boyınsha Húkimet komissiyasınıń 2022-jıl 10-noyabrdegi 49-sanlı («05-25/1-1248) jıynalıs bayanlamasınıń orınlanıwın támiynlew, 2022-jıl 15-noyabr-15-dekabr kúnleri aralıǵında «Órt qáwipsizligi aylıǵı»n ótkeriw haqqında»ǵı 01-08/3-11/596-sanlı bayanlamasına tiykarlanıp, usı jıldıń 22-noyabr kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında Nókis qalalıq Ayrıqsha jaǵdaylar basqarması hám 1-sanlı órt qutqarıw bólimshesi smena baslıǵı, kapitan I.Sultanov, instruktor qutqarıwshı, kishi serjant K.Akashev, usta qutqarıwshı, asker I.Utambetov, professor-oqıtıwshılar hám student-jaslar qatnasıwında kórgizbeli-seminar bolıp ótti.

«Órt qáwipsizligi aylıǵı»nda ótkerilgen kórgizbeli-seminarda taraw qánigeleri tárepinen óz úyinde, ijarada hám talabalar turar jaylarında jasawshı studentlerdiń jılıtıw sisteması pechleri morıların tazalaw, iyis gazinen záhárleniw hám hawa-gaz aralaspasınan kelip shıǵatuǵın jarılıwdıń aldın alıw qaǵıydaları hám órtke qarsı gúresiwde paydalanatuǵın ásbap-úskeneler, olardan paydalanıw qaǵıydaları boyınsha túsindiriw jumısları alıp barıldı.

Filial professor-oqıtıwshıları hám student-jaslar ótkerilgen ilajdan órt qáwipsizligine qarsı gúresiw boyınsha kóplegen maǵlıwmatlar aldı hám keń túsinikke iye boldı.

Jaslar menen islesiw, ruwxıylıq hám aǵartıwshılıq bólimi.