“Salamat shańaraq – salamat jámiyet tiregi” atamasında ushırasıw bolıp ótti.

Ushırasıwda Ózbekstan Respublikası Ministrler Kabineti janındaǵı din isleri komitetiniń Qaraqalpaqstan Respublikası aymaqlıq basqarmasınıń qániygesi B.Ayımbetova hámde Nókis qalalıq bólimi qániygesi X.Nizamatov, «Muxammed iyshan jomiy» meshitiniń bas imamı Sh.Xudaybergenov, Respublikalıq óspirimler dispanseri terapevt shıpakerı N.Tursınbaeva, filial miyirbiykesi E.Dawıtova, “Gúlzar” máhállesi hayal-qızlar belsendisi Z.Yuldasheva hám student-qızlar qatnastı.

Ushırasıwǵa kelgen taraw qánigeleri dáslep filial ónerli student-qızları tárepinen qol miyneti menen tayarlanǵan kórgizbeler menen tanısıp ózlerınıń unamlı pikirlerin bildirip ótti.

Ótkerilgen ushırasıwda qániygeler tárepinen student-qızlarımızǵa erte neke qurıw, shańaraqlıq ajırasıwlar hám olardıń aldın alıw, “Salamat ana – salamat bala” máselelerı boyınsha turmıs tájrıybelerıne tiykarlanıp paydalı másláhátler berildi. Ushırasıw sońında student-qızlarımız zárúr maǵlıwmatlarǵa iye boldı hámde ózlerin qızıqtırǵan sorawlarına juwaplar aldı.