Qaraqalpaqstan Respublikasında «Mámleketlik til biyligi»niń qabıl etilgenligine 33 jıl toldı

   Qaraqalpaqstan Respublikasında  «Mámleketlik til biyligi»niń  qabıl etilgenligine 33 jıl tolıwı  hámde 1-dekabr – Qaraqalpaq tili kúni bayramı menen professor-oqıtıwshılar, student-jaslar arasında qaraqalpaq tiliniń mámleketlik til sıpatında abırayın kóteriw, onıń huqıqıy tiykarın bekkemlewge qaratılǵan úgit-násiyatlaw jumısların alıp barıw ushın ruwxıylıq-aǵartıwshılıq ilajların shólkemlestiriw hám ótkeriw boyınsha is reje islep shıǵıldı. 

Is reje tiykarında usı jıldıń 21-noyabr kúni Veterinariya hám zooinjeneriya fakulteti tyutorları B.Xojabergenov, B.Iskakov, J.Mambetniyazovlar basshılıǵında student-jaslar Nókis qalasındaǵı I.Yusupov atındaǵı dóretiwshilik mektebine sayahat shólkemlestirdi. 

   Filial student-jasların dóretiwshilik mektebi oqıw isleri boyınsha direktor orınbasarı B.Rambergenov jıllı júzlilik penen kútip alıp, dóretiwshilik mektebi tariyxı hám Ózbekstan hám Qaraqalpaqstan xalıq shayırı, Ózbekstan Qaharmanı I.Yusupovtıń ómiri, dóretiwshiligi sáwlelengen mektep múyeshi menen tanıstırdı.

Filial student-jasları tárepinen dóretiwshilik mektebi aldına ornalastırılǵan shayır esteligine gúller qoyıp, oǵan húrmet kórsetildi.

Jaslar menen islesiw, ruwxıylıq hám aǵartıwshılıq bólimi.