«Jasıl mákan» joybarı dawam etpekte.

   Búgingi kúnde jasıl álemdi saqlaw hám kóbeytiw mámleket siyasatı dárejesine kóterildi. «Jasıl mákan» ulıwma milliy joybarına puqta tayarlıq kóriw hám nátiyjeli ótkeriw boyınsha Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında  student-jaslardiń joybarǵa óz úlesin qosıw maqsetinde "Áhmiyetli 40 kúnlik" akciyası bolıp ótti.

   Filialımızǵa belgilengen usı jıldıń 20-oktyabrinen 1-dekabr aralıǵında egiliwi tiyis  2000 túp dekorativ hám miywyeli nállerdiń 1287 túp náli egilip,  64,3% i orınlandı. Student-jaslarımız filial  átirapın sayamanlı, jánnet mákan orınǵa aylandırıw maqsetinde jaslıq jigerlerin ayamastan óz úleslerin qospaqta. 

Bul ámelge asırılıp atırǵan jaqsı niyetli isler ana tábiyatımızdı asırawǵa  óz úlesin qosıwı menen áhmiyetli. Jasap turǵan mákanımızdı azada saqlap, bizden keyingi áwladlar da múnásip tábiyǵıy shárayatta jasawları ushın búginnen tábiyatqa mehir hám itibar beriwi lazım. 

   Filialda «Jasıl mákan» ulıwma milliy joybarı dawam etpekte.

   Jaslar menen islesiw, ruwxıylıq hám aǵartıwshılıq bólimi.