«Jawızlıqqa qarsı-aǵartıwshılıq» temasında ruwxıylıq saatı ótkerildi

2022-jıl 4-noyabr kúni Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında student-jaslarǵa «Jawızlıqqa qarsı-aǵartıwshılıq» temasında ruwxıylıq saatı ushırasıwı ótkerildi.

Ushırasıwdı Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov alıp bardı. Ótkerilgen ushırasıwǵa Ózbekstan Respublikası Prezidenti janındaǵı «Ruwxıylıq hám aǵartıwshılıq» orayı Qaraqalpaqstan Respublikası bólimi lektorı, filologiya ilimleriniń doktorı Q.Mambetov qatnastı.

Elimizde alıp barılıp atırǵan jaslar siyasatı, jaslarǵa berilip atırǵan keń imkániyatlar, olardıń joqarı oqıw orınlarında oqıwı ushın barlıq shárayatlardıń jaratılıwı, ruwxıylıq hám aǵartıwshılıqtıń ózi ne ekenligi, ol bizlerge ne beretuǵınlıǵı boyınsha ushırasıw miymanı Q.Mambetov durıs hám anıq mısallar menen qatnasıwshılarǵa túsinik berip ótti.

Sonday-aq, házirgi jaslarımızdıń islam dinin durıs hám tolıq túsinbey saqal qoyıwı, hidjab orap ózlerine moda qılıp alǵanlıǵın diniy hám dúnyalıq bilimler menen baylanıstırıp túsindirip ótti.

Student-jaslardı kóp ádebiy shıǵarmalar oqıwǵa shaqırıp, kitaptıń mazmunına durıs túsinip juwmaq shıǵarıwshı adamlar jawızlıqqa qarsı aǵartıwshılıq penen keskin hám turaqlı gúres alıp baradı dep atap ótti.

Jaslar menen islesiw, ruwxıylıq hám aǵartıwshılıq bólimi