Órt qáwipsiziligine qarsı gúresiw boyınsha ilaj ótkerildi.

Filialdıń Jaslar menen islesiw, ruwxıylıq hám aǵartıwshılıq bólimi tárepinen 2022-jıl gúz-qıs máwsimine tayarlıq kóriw, iyis gazinen záhárleniwdiń aldın alıw, talabalar turar jayı hám ijarada jasawshı talabalardıń gaz plita, elektr úskeneleri hám jılıtıw sisteması qurılmalarınan durıs paydalanıwda túsindiriw jumısların alıp barıw ushın ushırasıw ilajı shólkemlestirildi.

Ushırasıwdı Jaslar máseleri hám ruwxıylıq-aǵartıwshılıq isleri boyınsha direktor birinshi orınbasarı S.Ganiev ashtı hám alıp bardı.

Ilajǵa Nókis qalalıq Ayrıqsha jaǵdaylar bólimi baslıǵı orınbasarı, mayor Q.Ametov, Jaslar menen islesiw, ruwxıylıq hám aǵartıwshılıq bólimi baslıǵı A.Seytkamalov, Veterinariya hám zooinjeneriya fakulteti dekan orınbasarı E.Seytmuratov, tyutorlar hám student-jaslar qatnastı. 

Taraw qánigesi Q.Ametov filialda bilim alıp atırǵan student-jaslardı kórgizbeli qurallar járdeminde órt qáwipsizligi qaǵıydaları menen keńnen tanıstırıp, órt bolǵan jaǵdayda durıs háreket etiw kónlikpeleri boyınsha, sonıń menen birge  ilajǵa qatnasqan student-jaslarǵa iyis gazi kózge kórinbeytuǵın jaw ekenligin dosları hám tuwǵan-tuwısqanlarına da jetkerip barıwı kerekligin túsindiriw maqsetke muwapıq bolatuǵınlıgın aytıp ótti.

Student-jaslar iyis gazinen záharleniwdiń aqıbetleri hám órtke qarsı gúresiw kónlikpeleri boyınsha keń túsinikke iye boldı.

Jaslar menen islesiw, ruwxıylıq hám aǵartıwshılıq bólimi