SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Тьютор ҳәм студентлер тәрепинен мийўе ҳәм декоратив терек нәллери отырғызылды

Ҳәзирги күнде Республикамыз бойлап даўам етип атырған «әҳмийетли 40 күнлик» илажларында филиалдыӊ студент-жаслары топар тьюторлары басшылығында белсене қатнаспақта.
Атап айтқанда, ветеринария диагностикасы ҳәм  лаборатория иси қәнигелигиниӊ 3-курс 311-312-топар студентлери тьюторы Б.Искаков басшылығында филиал бинасы әтирапына 70 түптен аслам мийўе ҳәм декоратив терек нәллерин отырғызды.
— Әлбетте, Республика көлеминде әмелге асырылып атырған илажда студентлер менен биргеликте  өз үлесимизди қосып атырғанымыздан қуўанышлымыз. Терек нәллерин егиў даўамында студентлер аўызбиршиликте,  ҳүрмет-иззет пенен  жумыс алып барды. Бундай илажларды жәмлескенлик пенен  әмелге асырыў ағла инсаныйлық пазыйлетлерди  жүзеге шығарыўға түртки болады— дейди Б.Искаков.
Тьюторлардыӊ студент-жасларды бир жерге жәмлестирип, «Жасыл мәкан» жойбары тийкарында әмелге асырып атырған ийгиликли жумыслары өзиниӊ унамлы нәтийжесин бериўин тилеген ҳалда, оларға ҳармасын айтып қаламыз!