SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Красноярск мәмлекетлик аграр университети менен бирге онлайн лекция шөлкемлестирилди

Филиалда билим алып атырған студентлердиӊ қәнигелиги бойынша теориялық билимлерин буннан былайда беккемлеп барыў мақсетинде сырт ел оқыў орынлары менен биргеликте онлайн лекциялар шөлкемлестирилип келинбекте. Нәўбеттеги онлайн лекция Красноярск мәмлекетлик аграр университети менен биргеликте болып өтти. Онда илимий ислер ҳәм инновациялар бойынша директор орынбасары Р.Турганбаев, зооинженерия кафедрасы баслығы А.Торешова, Халықаралық байланыслар бөлими баслығы Т.Ибраимов, оқытыўшылар ҳәмде студент-жаслар қатнасты. Еки күн даўамында алып барылған онлайн лекцияныӊ дәслепки күнинде Красноярск мәмлекетлик аграр университети доценти, биология илимлериниӊ кандидаты Владимцева Татьяна Михайловна тәрепинен филиал студентлери ушын «Балық жетистириўдиӊ нәтийжелигин арттырыўдыӊ шөлкемлестириўшилик-экономикалық механизми» темасында онлайн сабақ өтилди. Онлайн лекция даўамында студентлерге темаға байланыслы толық түсиниклер ҳәм мағлыўматлар берип өтилди.

Нәўбеттеги сабақ университет профессоры, аўыл хожалығы илимлери докторы Сидорова Анна Леонтьевна қатнасыўында жылқышылық темасы бойынша шөлкемлестирилди. Ол атларды бағыў процессинде нелерге итибар қаратыў керек екенлиги, оларды рацион тийкарында азықландырыў ҳәм бунда қандай көрсеткишлер инабатқа алыныўы ҳаққында керекли мағлыўматларды берип өтти. Бул онлайн лекциялар жоқары дәрежеде шөлкемлестирилди. Студентлер қәнигелиги бойынша әмелиятта пайдаланыў ушын зәрүр билимлерге ийе болды— Алдағы ўақытларда Красноярск мәмлекетлик аграр университетиниӊ профессор-оқытыўшылары менен биргеликте филиал студентлери ушын онлайн лекцияларды шөлкемлестирип барыўды даўам еттириўди режелестирип атырмыз дейди зооинженерия кафедрасы баслығы А.Торешова.