SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

3-декабрь «Халықаралық имканияты шекленгенлер күни»

«Халықаралық имканияты шекленгенлер күни» мүнəсибети менен Самарқанд ветеринария медицинасы институты Нөкис филиалыныӊ 207-212-топар студентлери тьютери Б.Искаков басшылығында «Халықаралық имканияты шекленгенлер күни» мүнəсибети менен филиалға бириктирилген «Қутлы қоныс» ҳәм «Гүлзар» МПЖ аймағындағы нәгиранлығы болған перзентлери бар ата-аналардыӊ үйлерине барып, бүгинги сәне мүнəсибети менен хабар алды. Топар студентлери тәрепинен қайырқомлық ушын жыйналған қаржыға балаларға кийим-кеншеклер, керекли оқыў қураллары ҳәм азық-аўқат саўға етилди. Илаж даўмында имканияты шекленген балалардыӊ кеўлин көтерип, олардыӊ қуўанышлы күлкисине себеп болған студентлердиӊ қылған саўап исин жасларға үлги сыпатында көрсетиў мақсетинде азғана жарытып өтиўди мақул қөрдик. Бүгин республикамыз бойлап орынларда «Халықаралық имканияты шекленгенлер күни» мүнәсибети менен байрам илажлары өткерилмекте. Филиал студентлери де қайырқомлық көрсетип, саўап исте өз үлесин қосқанлығынан қуўанышқа бөлендик.