ZOOTEXNIK KIM?
Zootexnik zamanagóy tilde zooinjener - awıl xojalıǵı haywanların (sıyırlar jılqılar, qoylar, quslar hám basqalar) órshitip kóbeytiriw hám rawajlandırıw, olardan joqarı (maksimal) dárejede ónim (bul gósh, sút, máyek hám basqa) alıw ushın juwapker basqarıwshı qánige bolıp tabıladı.
Islep shıǵarıwǵa kelgenimizde: haywanlarǵa haqıyqattan da jaqsı bolıwı ushın jumısshı xızmetkerler - sút sawıw mashinası operatorları mexanizatorlar ferma xızmetkerleri belgilengen kún rejimine qatań ámel qılıwı zárúr. Xosh zootexniktiń wazıypaları nelerden ibarat?
1. Azıqlandırıwdı qadaǵalaw - Zootexnik balanslanǵan racion dúziw kerek, keyin bolsa haywanlardı tolıq bahalı azıqlandırıw kerek. Qaǵazda racion dúziwdiń ózi kemlik qıladı qaǵazda belgilengen azıqlardı sıyırlarǵa tolıq kólemde beriw ústinen qadaǵalaw ornatıw zárúr. Bul jerde zootexnik azıqlandırıw boyınsha malbaǵıwshılar menen óz ara birgelikte jumıs júrgiziwi zárúr.
2. Sút sawıw processin qadaǵalaw - óz waqtında hám tuwrı sawıw ústinen qadaǵalaw baslanadı. Sút sawıw mashinası operatorları menen kontakt payda boladı. Haywan suwınshı hám mashina ortasındaǵı baylanıslılıq da bir birine bolǵan múnásebetti tuwrı shólkemlestiriw kerek
3. Kútim beriw hám asrawdı qadaǵalaw. Bulda júdá áhmiyetli bolıp haywanlar etologiyasınan kelip shıǵıp ámelge asırıladı. Bul islerdiń tuwrı alıp barılıwı haywanlardıń waqtında kúyge keliwi kúnlik ósiw hám rawajlanıwı ulıwma alǵanda barlıq processlerge tásir etedi.
4. Rejelestiriw - zootexniktiń strategiyalıq wazıypalarınan biri. Hár aydaǵı qadaǵalaw sawımlarınan kelip shıǵıp sút islep shıǵarıwdıń aylıq jobası dúziledi. Jıl aqırında bir jılǵa padanı toltırıw rejesi dúziledi.
5. Nasilshilik jumısı - bul sút fermasınıń keleshegi. Bul jerge bir qatar wazıypalardı kirgiziw múmkin - bul sharwanıń hár jılǵı bonitirovkası bolıp onıń tiykarında padanıń jaramsızlıǵı hám tabaqalanıwın ótkeriw, sonday-aq násilli buǵalar urıqların sıyırlar bas sanı hám jas mallarǵa biriktiriliwin ámelge asırıw múmkin.
Selekciya-násilshilik jumısların júrgiziw ushın arnawlı shtat birligi-zootexnik-selekcioner shtat birligi bar bolıwı kerek.
6. Esabat hújjetlerin júrgiziw. Sharwashılıq fermasındaǵı hár bir jumıs processi, haywan menen baylanıslı bolǵan hár bir hádiyse, (jasalma urıǵlandırıw, buzaw alıw, qadaǵalaw sawımı, macion, racion hám basqada) hújjetlerde jazılıp barılıwı zárúr.
7. Bas sanı esabatın júrgiziw, pada háreketin dúziw. Bonitirovka qılıw, padadan shıǵarıw, padanı toltırıw, azıqlandırıw, azıqtı tuwrı bólistiriw, azıqlıq eginlerin rejelestiriw barlıq jumıslar pada háreketin dúziw menen baylanıslı. Pada háreketin dúziwde barlıǵı anıqlasadı.
Padanı toltırıw, esaptan shıǵarıw hám basqa máselelerde zootexnik, veterinar vrachı menen jaqın birgelikde islewi, pikirlesiwi júdá zárúr. Zootexnik hám veterinar vrachı bir-birin toltırıwshı bir jumıstı orınlawshı eki mexanizmge qıyaslaw múmkin, birisiz ekinshisiniń jumısı júrispeydi.
Zooinjeneriya kafedrası
скачать dle 12.1
Telefon
E-mail
