SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Филиалдың студентлери "Заковат" интеллектуал беллесиўинде 3-орынды ийеледи

"Жаңа Өзбекстан жаслары бирлесейик" сүрени астында “Жаслар күни”не бағышлап Не? Қай жерде? Қашан? беллесиўиниң Қарақалпақстан аймақлық басқышы болып өтти. Жоқары оқыў орынларының студентлеринен дүзилген жәми 8 команда Қарақалпақ мәмлекетлик университетинде беллесиў ушын жәмлести. Ойын қызғын тәризде алып барылды. Ҳәр бир команда жеңимпаз болыў ушын ҳәрекет етти. Бул "Заковат" интеллектуал беллесиўинде филиалдың “Аристократлар” сайланды командасы белсенди қатнасып жақсы нәтийжеге еристи. Яғный, жуўмақлаўшы нәтийжеге көре Әжинияз атындағы Нөкис мәмлекетлик педагогикалық институтының “Зыялы жаслар” командасы биринши орынды ийеледи. Қарақалпақ мәмлекетлик университетиниң “Карсу” командасы болса екинши орынды ийелеген болса, филиалымыздың “Аристократлар” командасына үшинши орын несип етти. Жеңимпаз командалар диплом менен сыйлықланды. Студент-жасларды бирлестирген бул беллесиўде филиалдың билимдан ҳәм зийрек жаслары белсенди қатнасып, 3-орынды ийелегенлиги бизди қуўанышқа бөледи. Қалыс тәризде баҳаланған Заковат" интеллектуал ойыны студент-жасларға жоқары кейпият бағышлады.