SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Нөкис ветеринария медицинасы техникумы оқыўшылары әмелият өтемекте

Самарқанд ветеринария медицинасы институты Нөкис филиалы қасындағы Нөкис ветеринария медицинасы техникумы оқыўшылары зәрүр әмелий көнликпелерге ийе болыў ушын ҳәзирги ўақытта әмелият өтеп атыр. Атап айтқанда, «Ветеринария медицинасы» қәнигелиги оқыўшылары Хожели районындағы Өзнәсилшилик» мәмлекетлик кәрханасының Қарақалпақстан филиалына өндирислик әмелиятын өтеў ушын жиберилди. Дәслеп бул жерде топар басшысы О.Еримбетов тәрепинен әмелият өтеў көнликпелери бойынша оқыўшыларға семинар шөлкемлестирилди. Усы семинарға техникум тәлим усталары ҳәмде кәрхана баслығы Б.Таӊирбергенов, сондай-ақ ветеринар шыпакерлер ҳәмде Қанлыкөл районы «Шарўашылықты ҳәм ветеринария тараўын раўажландырыў» бөлиминде әмелият өтеп атырған техникумның оқыўшылары белсенди түрде қатнасты. Семинар даўамында оқыўшылардың теориялық билимлерин әмелият пенен байланыстырған ҳалда беккемлеў мақсетинде шөлкемлестирилген әмелият дәўиринде әмелге асырылыўы белгиленген жумыслар жан-жақлама додаланды. Сондай-ақ, оқыўшыларға кең түсиниклер берилди. Техникум оқыўшыларының билимлерин жәнеде беккемлеп барыўда әмелият жүдә әҳмийетли болып саналады. Соны инабатқа алған ҳалда әмелият басшылары жуўапкершилик пенен әмелият процесин турақлы түрде қадағалап барыў керек екенлиги атап айрықша өтилди.