SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Мәҳәлле жаслары ҳәм студентлер арасында волейбол жарысы өткерилди

Бәршеңиздиң хабарыңыз бар, филиалымызда “Мәҳәллебай” жумыс ислеў системасы бойынша бир қанша ис-илажлар әмелге асырылмақта. Атап айтқанда, жақында ғана “Гүлзар” МПЖ ның жәмлеспеген жаслары ҳәм филиал студентлери қатнасыўында “Заковат” интеллектуал ойыны өткерилди. Мәҳәлле жасларының ўақтын мазмунлы ҳәм кеўилли өткериў ушын жумыслар әмелде даўам еттирилмекте. Спорттың волейбол түри бойынша өткерилген спорт жарысы сөзимиздиң айқын дәллийли бола алады. “Гүлзар” МПЖ ның жәмлеспеген жаслары ҳәм филиал студентлери арасында өткерилген бул жарысқа “Гүлзар” МПЖ баслығы М.Тилеумуратов, Жаслар менен ислесиў, руўхыйлық ҳәм ағартыўшылық бөлими баслығы А Сейткамалов ҳәмде Б.Кунисовлар қатнасты. Оқыў ҳәм тәрбия ислери бойынша директор орынбасары Қ.Атаназаров сөзге шығып, жарысты шөлкемлестириўден тийкарғы мақсетти айттып өтти ҳәм барлық қатнасыўшыларға әўмет тиледи. Қатнасыўшылар жеңиске ерисиў ушын қызғын түрде ойын алып барды. Жарыс даўамында болса қатнасыўшылардың кейпияты жоқары болды. Волейбол жарысының жуўмағына көре, Ветеринария медицинасы қәнигелигиниң 1-курс студент жасларының командасы 1-орынды ийеледи. 2-орын болса “Гүлзар” МПЖ ның жәмлеспеген жасларынан дүзилген командаға несип етти. Зооинженерия: Балықшылық қәнигелиги 1-курс студентлери 3-орынды алыўға мияссар болды. Илаж жуўмағында жеңиске ерискен командаларға диплом тапсырылды.